آئی جی تے چیف سیکرٹری خیبرپختونخوا نوں عہدے توں ہٹا دِتا گیا

پشاور: انسپکٹر جنرل خیبرپختونخوا پُلس تے چیف سیکرٹری نوں بدل دِتا گیا۔

آئی جی خیبر پختونخوا صلاح الدین خان نوں آئی جی آزاد کشمیر مقرر کیتا گیا اے جد کہ آئی جی آزاد کشمیر محمد نعیم خان آئی جی خیبر پختونخوا تعینات کیتا گیا اے۔

چیف سیکرٹری خیبرپختونخوا نوید کامران بلوچ نوں اسٹیبلشمنٹ ڈویژن رپورٹ کرن دی ہدایت کیتی گئی اے تے اوہناں دی تھاں پاکستان ایڈمنسٹریٹو سروس گریڈ 21دے محمد سلیم نوں چیف سیکرٹری خیبرپختونخوا مقرر کیتا گیا اے اوہ ایس توں پہلاں وی خیبرپختونخوا وچ ای خدمتاں سرانجام دے رہے سن۔ چیف سیکرٹری آزاد کشمیر خواجہ داؤد احمد ایڈیشنل رجسٹرار سپریم کورٹ مقرر کیتا گیا اے۔

اسٹیبلشمنٹ ڈویژن نے تعیناتیاں دے نوٹیفکیشن جاری کر دِتے نیں۔ اعلامیہ دے مطابق آئی جی خیبرپختونخوا صلاح الدین دی خدمتاں آزاد کشمیر حکومت دے حوالے کیتیاں گئیاں نیں جد کہ آئی جی آزاد کشمیر محمد نعیم خان نوں نویں آئی جی خیبرپختونخوا پُلس تعینات کیتا گیا اے۔