آئی ایم ایف نے پوزیشن بدل لئی، امید اے جلدی معاہدہ ہو جاوے گا: اسد عمر

پشاور: اسد عمر دا کہنا اے آئی ایم ایف نے پوزیشن بدل لئی، امید اے جلدی معاہدہ ہو جاوے گا، ٹیکس نیٹ ودھائے بغیر دیس ترقی نہیں کر سکدا۔

وفاقی وزیر خزانہ پشاور وچ چیمبر آف کامرس نال خطاب کر رہے سن، اوہناں دا کہنا سی ایران تے افغانستان نال تجارت ودھان دی لوڑ اے، خطے دے سارے ملکاں نال چنگے تعلقات چاہنے آں، ترکی تے ایران نوں گیس منصوبیاں وچ شامل کرنا چاہنے آں۔ افغانستان وچ قیام امن لئی ہر ممکن کردار ادا کر رہے نیں۔

طورخم بارڈر 24گھنٹے کھلنا چاہیدا اے، تجارت ودھے گی تے برآمدات وچ وادھا ہووے گا جہدے نال پاکستان دی معیشت مضبوط ہووے گی۔ وزیر خزانہ اسد عمر نے ہور آکھیا کرک، لکی مروت تے کوہاٹ وچ گیس دریافت ہوئی اے، بلوچستان توں آن والی بیلٹ وچ معدنیات دا ذخیرہ اے۔ اوہناں نے آکھیا خیبرپختونخوا وچ سیاحت نوں فروغ دین دی لوڑ اے، ٹیکس نیٹ ودھائے بغیر ملک ترقی نہیں کر سکدا، آئی ایم ایف نال معاہدے دے لاگے اپڑ چکے آں۔