سعودی ولی عہد دا دورہ پاکستان:20 ارب ڈالر دی سرمایہ کاری متوقع

Suleman

اسلام آباد: ڈولدی ہوئی معیشت لئی وڈی خوشخبری، سعودی ولی عہد دے 2 دیہاڑے دورے وچ 20 ارب ڈالر دی سرمایہ کاری پاکستان آوے گی۔

ایل این جی دے 2 بجلی گھر وی سعودی عرب نوں دیون تے گل بات شیڈول وچ شامل اے، معزز مہمان دے استقبال دیاں تیاریاں پوریاں کر لئیاں گئیاں۔ ذرائع دے مطابق سعودی عرب دے نال ادھار تیل دے معاملات طے پا چکے نیں، ولی عہد دے دورہ دے دوران معاہدے تے دستخط ہوون گے، سعودی عرب 3 ارب ڈالر دا تیل 3 ورھے تیک فراہم کرے گا، ایل این جی دے 2 بجلی گھر سعودی عرب نوں دیون تے وی گل بات ہووے گی، جہناں وچ 2 ارب ڈالر دی سرمایہ کاری متوقع اے، سعودی عرب گوادر آئل ریفائنری وچ 6 ارب ڈالر دی سرمایہ کاری دا خواہاں اے۔

سعودی ولی عہد محمد بن سلمان 16 فروری نوں پاکستان آون گے، اوہناں دی آمد توں پہلاں ای محمد بن سلمان دے وفد دے ارکان پاکستان پہنچن لگے نیں، اوہناں وچ ایڈوانس سکیورٹی ٹیم، ڈاکٹرز تے کوریج کرن والے سعودی میڈیا دیاں ٹیماں شامل نیں، ایڈوانس سکیورٹی ٹیم نے وکھو وکھ مقامات دا جائزہ وی لیا۔

ذرائع دا آکھنا اے کہ سعودی ولی عہد محمد بن سلمان وزیر اعظم ہائوس وچ قیام کرن گے جد کہ سعودی وفود اسلام آباد دے نجی ہوٹلاں وچ قیام کرے گا۔ جہدے لئی اسلام آباد 2 وڈے نجی ہوٹل پورے تے 2 ہوٹل جزوی طور تے بک کر لئے گئے ۔ محمد بند سلمان دی ورزش دے سامان، فرنیچر تے ضروری چیزاں نال بھرے 5 ٹرک وی پہنچ گئے نیں۔ سعودی سفیر نواف بن سعید المالکی دا آکھنا اے کہ سعودی ولی عہد دے ہمراہ اک وڈا وفد آوے گا۔

 

نئی تبصرہ شامل کریں

About text formats

متعلقہ خبریں

مسلح افواج دے ناں تے چلن والے جعلی سوشل میڈیا اکاؤنٹس دے خلاف کارروائی شروع

راولپنڈی: پاک فوج نے مسلح افواج دے ناں تے چلن والے 255جعلی سوشل میڈیا اکاؤنٹس دے خلاف کارروائی لئی فہرستاں فیڈرل انویسٹی گیشن ایجنسی (ایف آئی اے)

فروری 15, 2018

ریڈیو پاکستان دی عمارت لیز تے دین دا فیصلہ واپس لے لیا گیا

اسلام آباد: ریڈیو پاکستان دے ملازماں دے احتجاج مگروں ریڈیو پاکستان دی عمارت لیز تے دین دا فیصلہ واپس لے لیا گیا اے۔

ریڈیو پاکستان دے ملا

ستمبر 26, 2018

اپوزیشن دا قومی اسمبلی وچ منی بجٹ دے خلاف شدید احتجاج دا فیصلہ

اسلام آباد: متحدہ اپوزیشن نے قومی اسمبلی وچ منی بجٹ دے خلاف شدید احتجاج دا فیصلہ کیتا اے۔

جنوری 23, 2019

ایم این اے علی رضا عابدی دا قتل، 7 رکنی تحقیقاتی ٹیم بن گئی

کراچی وچ قتل ہون والے سابق متحدہ ایم این اے علی رضا عابدی دے قتل دی تحقیقاتی ٹیم تشکیل دے دِتی گئی، ایس ایس پی ساؤتھ پیر محمد شاہ دی سربرا

دسمبر 27, 2018

سینٹ چوناں وچ اک ای پارٹی نوں نقصان اپڑایا جارہیا اے: مریم اورنگزیب

اسلام آباد: وزیر مملکت برائے اطلاعات مریم اورنگزیب دا کہنا اے کہ سینٹ انتخابات وچ وی اک ای پارٹی نوں نقصان اپڑایا جا رہیا اے تے پہلے توں ای مقصد

فروری 26, 2018

نہیں کہہ سکدا کہ ایف اے ٹی ایف وچ پاکستان نال تعاون نہیں کیتا: چینی سفیر

اسلام آباد: پاکستان وچ تعینات چینی سفیر یاؤ جنگ دا کہنا اے کہ اوہ ایس بارے وچ نہیں کہہ سکدے کہ چین نے پیرس وچ فنانشل ایکشن ٹاسک فورس (ایف اے ٹی

فروری 27, 2018