چین نے لہور وچ ویزا آفس کھولن دا اعلان کر دتا

Visa

لہور: چینی سفیر یائو جنگ نے ویزے دے حصول لئی لہور وچ برانچ کھولن دا اعلان کر دتا۔

چینی ویزے لئی برانچ لہور وچ اگلے مہینے آپریشنل ہو جاوے گی۔ تفصیلات دے مطابق گورنر پنجاب چوہدری محمد سرور تے وزیر اعلیٰ پنجاب سردار عثمان بزدار نال چین دے سفیر یائو جنگ نے وکھری وکھری ملاقاتاں کیتیاں جہناں وچ پاک چین تعلقات دے فروغ، سی پیک دے منصوبیاں تے وکھو وکھ شعبیاں وچ تعاون ودھان تے تبادلہ خیال کیتا گیا ۔

چینی سفیر یائو جنگ نے چین دے ویزے لئی لہور وچ برانچ کھولن دا اعلان کیتا۔ ایس موقع تے پبلک پرائیویٹ پارٹنر شپ، سپیشل اکنامک زونز وچ سرمایہ کاری ، زراعت ، ٹیکنکل ووکیشنل ٹریننگ، سیاحت تے سماجی شعبیاں وچ شراکت داری ودھان تے اتفاق کیتا گیا۔ چینی سفیر دا آکھنا سی کہ لہور وچ برانچ کھلن نال پاکستانی شہریاں نوں چینی ویزے دے حصول وچ سہولت ملے گی۔ چینی ویزے لئی برانچ لہور وچ اگلے مہینے آپریشنل ہو جاوے گی۔

وزیر اعلیٰ پنجاب دا آکھنا سی کہ چین پاکستان دا انتہائی با اعتماد دوست ملک اے۔ نویں پاکستان دی تعمیر و ترقی وچ چین دے تعاون نوں قدر دی نگاہ نال ویکھدے نیں۔ چینی سفیر نے گورنر پنجاب چوہدری محمد سرور نال وی گورنر ہائوس وچ ملاقات کیتی جہدے وچ پاک چین تعلقات بارے تبادلہ خیال کیتا گیا۔

نئی تبصرہ شامل کریں

About text formats

متعلقہ خبریں

عمران خان شیروانی پاکے وزیر اعظم دی سونہہ چُکائی کرن گے

اسلام آباد: چیئرمین تحریک انصاف عمران خان شیروانی پا کے وزیر اعظم دا حلف چُکسن۔

عام چوناں وِچ وڈی اکثریت دے بعد تحریک انصاف وفاق وِچ حکو

اگست 15, 2018

پشاور: بالاں دی لڑائی وچ وڈے وی کُد پئے، فائرنگ نال 7 جی ہلاک

پشاور: صوبہ خیبر پختونخوا دے دارالحکومت پشاور دے نواحی پنڈ میرہ سوڑیزئی وچ بالاں دی لڑائی دے دوران فائرنگ نال 7 بندے ہلاک تے 2 زخمی ہو گئے۔

جولائی 24, 2018

باہرلے دیس جاندیاں ای گورنری جان دیاں گلاں کیتیاں گئیاں: گورنر پنجاب

لہور: گورنر پنجاب چودہدری سرور نے آکھیا کہ عہدیاں نال پیار نہیں، باہرلے دیس جاندیاں ای گورنری جان دیاں گلاں کیتیاں گئیاں، فیصلے من لئے جاندے تے پ

اپریل 24, 2019

ناصر کھوسہ دی نگران وزیراعلیٰ پنجاب بنن توں معذرت

لہور: ناصر کھوسہ نے نگران وزیراعلیٰ پنجاب بنن توں معذرت کر لئی، ذرائع دے مطابق ناصر کھوسہ دا ناں تجویز کرن توں پہلاں اوہناں نوں اعتماد وچ نہیں لیا

مئی 31, 2018

مجاہد کامران سَنے دوجے ملزماں دے جوڈیشل ریمانڈ وچ 15 دیہاڑے دا وادھا

لہور دی احتساب عدالت نے پنجاب یونیورسٹی وچ غیر قانونی بھرتیاں دے معاملے تے سابق وائس چانسلر ڈاکٹر مجاہد کامران سَنے دوجے ملزماں دے جوڈیشل ریمانڈ و

نومبر 05, 2018

عوام لئی پریشانی: گیس قیمتاں وچ 235 فیصد تیک وادھے دی تیاری

اسلام آباد: حکومت نے عوام تے گیس بم سُٹن دی تیاری کر لئی، آئل اینڈ گیس ریگولیٹری اتھارٹی نے گیس دیاں قیمتاں وچ 235 فیصد تیک وادھے دی سفارش کر دت

مئی 18, 2019