وفاقی بجٹ پیش؛ چینی، تیل ، گھیو، مشروبات، سگریٹ ، خشک دُدھ مہنگا

budget

اسلام آباد: پاکستان تحریک انصاف دی حکومت نے مالی سال 2019-20 دا بجٹ پیش کر دتا جہدا مجموعی حجم 7ہزار 22ارب روپے اے جہڑا پچھلے بجٹ توں 30فیصد ودھ اے۔ اجلاس وچ وزیراعظم عمران خان وی موجود سن جد کہ وزیر مملکت برائے ریونیو حماد اظہر نے بجٹ پیش کیتا، ایس دوران اپوزیشن ارکان نے احتجاج کردیاں شدید نعرے بازی کیتی۔ حماد اظہر نے بجٹ پیش کردیاں دسیا جدوں ساڈی حکومت آئی تے مالیاتی خسارہ 2260ارب روپے تک اپڑ گیا سی، جاری کھاتیاں دا خسارہ 20ارب ڈالر تک اپڑ گیا سی، تجارتی خسارہ 32ارب ڈالرتک اپڑ گیا سی، مجموعی قرضے 31ہزار ارب روپے تک اپڑ چکے سن، اسیں تجارتی خسارہ چار ارب ڈالر گھٹ کیتا تے ہن بجلی دے گردشی قرضیاں وچ 12ارب روپے دی کمی آئی اے۔ بجٹ 2019-20 دا مجموعی حجم 7ہزار 22ارب روپے اے جو کہ پچھلے بجٹ توں 30فیصد ودھ اے، ٹیکس وصولیاں دا ہدف 5ہزار 555ارب روپے رکھیا گیا اے، جی ڈی پی وچ ٹیکساں دا تناسب 12اعشاریہ 6فیصد اے، مالی خسارے دا تخمینہ 3ہزار 137ارب روپے اے۔ وفاقی حکومت نے گھٹ توں گھٹ تنخواہ 17ہزار 500مقرر کردیاں دسیا کہ وادھا 2017ء توں جاری تنخواہ تے ہووے گا۔ اک ہزار اک سی سی توں 2ہزار سی سی تک گڈیاں تے پنج فیصد جد کہ 2ہزار سی سی توں ودھ دی گڈی تے ڈیوٹی ساڈھے ست فیصد لاگو کیتی گئی اے۔ بجٹ وچ تنخواہ دار تے غیر تنخواہ دار بندیاں لئی ٹیکس شرح وچ وادھا تے تنخواہ دار ملازماں لئی قابل ٹیکس آمدنی دی حد 12لکھ توں گھٹ کرکے 6لکھ روپے کرن دی تجویز پیش کیتی گئی جد کہ غیر تنخواہ دار انفرادی ٹیکس دہندگان لئی قابل ٹیکس آمدنی دی حد گھٹ کرکے چار لکھ روپے کرن دی تجویز پیش کیتی گئی۔ حماد اظہر نے آکھیا آئی ایم ایف نال 6ارب ڈالر دا معاہدہ ہو گیا اے ، چین نال 313شیواں دا ڈیوٹی فری برآمدات دا فیصلہ کیتا گیا جد کہ 95منصوبے شروع کرن لئی فنڈز جاری کیتے گئے۔موبائل فونز دی درآمدات تے 3فیصد ویلیو ایڈیشن ٹیکس دے خاتمے دی تجویز دتی اے۔ بجٹ پیش کردیاں وزیر مملکت دا کہنا سی ایس ویلے کاروباری درآمدات تے 3فیصد ویلیو ایڈیشن ٹیکس لاگو اے جہدی وجہ توں ٹیکس دے بوجھ وچ غیر ضروری طور تے وادھا ہو گیا اے۔ اوہناں آکھیا بجٹ وچ تجویز اے کہ موبائل فونز دی درآمدات تے 3فیصد ویلیو ایڈیشن ٹیکس ختم کر دتا جاوے تاں جے ایہدے نال موبائل فونز دی درآمدات تے لاگو ٹیکس وچ کمی آوے گی۔حکومت نے آئندہ مالی ورھے دے بجٹ وچ انکم ٹیکس دی شرح وچ وادھے تے نویں سلیبز متعارف کروان دی تجویز دتی اے۔ وزیر مملکت برائے ریونیو حماد اظہر نے اپنی بجٹ تقریر وچ دسیا کہ فنانس ایکٹ 2018ء وچ گھٹ توں گھٹ قابل ٹیکس آمدن دی حد 12لکھ روپے مقرر کیتی گئی سی جہدے نال محصولات دی مد وچ 80ارب دا نقصان ہویا۔ اوہناں آکھیا تنخواہ دار بندیاں لئی قابل ٹیکس آمدن دی گھٹ توں گھٹ حد 6لکھ روپے کرن تے غیر تنخواہ دار طبقے لئی قابل ٹیکس آمدن دی گھٹ توں گھٹ حد 4لکھ روپے کرن دی تجویز پیش کیتی۔ اوہناں نے دسیا کہ چھ لکھ روپے توں ودھ آمدن والے تنخواہ دار لئی 5توں 35فیصد دے 11سلیبز متعارف کران تے غیر تنخواہ دار 4لکھ روپے توں ودھ آمدن لئی 5توں 35فیصد ٹیکس دے 8سلیبز متعارف کران دی تجویز اے۔ اوہناں نے دسیا کہ نان فائلر لئی جائیداد دی خریداری تے پابندی ختم کرن دی تجویز اے جہدے بعدوں نان فائلر 50لکھ روپے توں ودھ دی جائیداد خرید سکن گے۔بجٹ پیش کردیاں وزیر مملکت دا کہنا سی وزیراعظم عمران خان تے وفاقی کابینہ نے اپنیاں تنخواہواں وچ رضا کارانہ طور تے 10فیصد کٹوتی دا فیصلہ کیتا ا ے۔ اوہناں آکھیا ماضی وچ ایہہ روایت رہی کہ کابینہ اپنی تنخواہواں ودھاندی سی پر عمران خان دی قیادت وچ کابینہ نے رضا کارانہ طور تے تنخواہواں وچ کمی دا فیصلہ کیتا ۔ بجٹ وچ دوجے سرکاری ملازماں دیاں تنخواہواں وچ وادھے دے حوالے نال اوہناں دا کہنا سی بجٹ وچ گریڈ اک توں 16تک دے ملازماں نوں بنیادی تنخواہ تے 10فیصد ایڈہاک ریلیف دتا جاوے گا۔ اوہناں آکھیا گریڈ 17توں 20تک دے سول ملازماں نوں 5فیصد ایڈہاک ریلیف دتا جاوے گا پر گریڈ 21تے 22دے سول ملازماں دیاں تنخواہواں وچ کوئی وادھا نہیں ہووے گا کیوں جے اوہناں نے ملک دی معاشی صورتحال وچ بہتری دی خاطر ایہہ قربانی دین دا فیصلہ کیتا اے۔

نئی تبصرہ شامل کریں

About text formats

متعلقہ خبریں

احد چیمہ نوں ترقی کیوں دِتی؟ پنجاب اسمبلی وچ اپوزیشن سراپا احتجاج

لہور: کرپشن دے ملزم احد چیمہ نوں ترقی کیوں دِتی؟

فروری 23, 2018

شریف خاندان دے خلاف نیب ریفرنسز دی سنوائی 23 جنوری تک ملتوی

شریف فیملی دے خلاف نیب ریفرنس کیسیز وچ استغاثہ دے 2 گواہاں دے بیان قلمبند ہوئی گئے بُھلیکھا ٹی وی (اسلام آباد:)دی احتساب عدالت وچ پچھلے وزیراعظم ن

جنوری 17, 2018

چیف جسٹس دا خاران وچ 6مزدوراں دے قتل دا نوٹس

اسلام آباد: چیف جسٹس آف پاکستان جسٹس ثاقب نثار نے بلوچستان دے ضلع خاران وچ 6مزدوراں دے قتل دا نوٹس لے لیا۔

کیس دی سماعت 11مئی نوں کوئٹہ

مئی 05, 2018

ہر تھاں شرمندگی، مودی گجرات واپس جا کے چاہ لا لین: فیاض چوہان

لہور: وزیر اطلاعات پنجاب فیاض الحسن چوہان نے آکھیا اے مودی وچ شرم ہووے تے گجرات جا کے ریلوے سٹیشن تے چاہ لا لین، اوہناں دے احکامات دی وجہ توں بھار

مارچ 04, 2019

آسیہ مسیح دا ناں ای سی ایل وچ پان دی درخواست رَد

اسلام آباد: توہین رسالت کیس وچ سزائے موت یافتہ آسیہ مسیح دا ناں ای سی ایل وچ پان دی درخواست رَد کر دِتی گئی۔

اکتوبر 29, 2018