حکومتی فیصلے ملکی سلامتی، خود مختاری تے بقاء لئی خطرہ بن چکے، اے پی سی اعلامیہ

APC

سلام آباد: اپوزیشن جماعتاں دی کُل جماعتی کانفرنس وچ حکومتی فیصلیاں نوں ملکی سلامتی ، خود مختاری تے بقاء لئی خطرہ قرار دتا گیا اے۔

اسلام آباد وچ مولانا فضل الرحمان دی رہائش گاہ تے ہون والی اے پی سی وچ شہباز شریف، بلاول، یوسف رضا گیلانی، اسفند یار ولی، پشتونخوا ملی عوامی پارٹی تے دوجیاں اپوزیشن جماعتاں دے رہنماواں نے رلت کیتی۔ اے پی سی دے سانجھے اعلامیے وچ آکھیا گیا اے نام نہاد حکمراناں نوں ساریاں سیاسی جماعتاں رد کر چکیاں نیں، ملک دا ہر شعبہ زبوں حالی دا شکار اے تے ملکی معیشت زمین بوس ہو چکی اے۔ اعلامیے وچ آکھیا گیا اے ملک دیوالیہ پن دی حدود نوں پار کرن دی تیاری کر رہیا اے۔

حکومتی قیادت دے فیصلیاں نے ساڈے شکوک و شبہات نوں یقین وچ بدل دتا اے۔ کل جماعتی کانفرنس دے اعلامیے وچ آکھیا گیا اے مہنگائی نال غریب عوام دی کمر ٹُٹ گئی اے تے بیرونی قرضیاں دا سیلاب تے معاشی اداریاں دی بدنظمی معیشت نوں دیوالیہ کرن نوں اے، غربت و افلاس دی ودھدی صورتحال تے تشدید عوامی انقلاب دی راہ ہموار کردی وکھائی دیندی اے۔ سانجھے اعلامیے وچ آکھیا گیا اے بیرونی قرضیاں، بیرونی ادائیگیاں دے توسط نال بیرونی طاقتاں تے انحصار ودھا جا رہیا اے جد کہ ودھدی شرح سود، کمزور ہوندا روپیہ تے ودھدے ٹیکس منفی عوامل نیں جنہاں توں برآمدات ہور گھٹ ہون گیاں، بیرونی تجارت تے بیرونی ادائیگیاں دا خسارہ ودھے گا۔

اعلامیے وچ آکھیا گیا اے پاکستان نوں ملک دشمن قوتاں دی ایماء تے معاشی طور تے کمزور کیتا جا رہیا اے، بزنس دے مواقع مشکل بنا دتے گئے نیں تے معیشت آئی ایم ایف دے سپرد کر دتی گئی اے۔ دوجے پاسے ذرائع دا کہنا اے فضل الرحمان ولوں اسمبلیاں توں استعفیاں دی تجویز دی پیپلزپارٹی تے ن لیگ نے حمایت نہیں کیتی۔ وسیلیاں دا کہنا اے ن لیگ تے پیپلزپارٹی دا موقف اے کہ اسمبلیاں توں استعفے ملکی مسئلیاں دا حل نہیں اے، پارلیمنٹ توں باہر رہ کے اپنا موقف بہتر طریقے نال پیش نہیں کیتا جا سکدا ایس لئی پارلیمنٹ دے اندر تے باہر موثر تے سانجھا کردار ادا کرنا چاہیدا اے۔

نئی تبصرہ شامل کریں

About text formats

متعلقہ خبریں

گورنر ہاؤس دی کندھ ڈیگن دا اقدام لہور ہائیکورٹ وچ چیلنج

لہور: گورنر ہاؤس پنجاب دی کندھ ڈیگن دا اقدام ہائی کورٹ وچ چیلنج کر دِتا گیا اے۔

دسمبر 03, 2018

عدلیہ مخالف نعرے، 2 (ن) لیگیاں سَنے 6بندیاں تے فرد جرم لئی تاریخ مقرر

لہور ہائی کورٹ نے قصور وچ عدلیہ مخالف احتجاج کرن والے مسلم لیگ (ن) دے 2اراکین اسمبلی سَنے 6بندیاں تے فرد جرم لئی 11مئی دی تاریخ مقرر کر دِتی۔

مئی 09, 2018

شہباز شریف دے راہداری ریمانڈ وچ 10 نومبر تیک وادھا

اسلام آباد: احتساب عدالت نے صاف پانی کیس وچ شہباز شریف دے راہداری ریمانڈ وچ 10 نومبر تیک وادھا دے دِتا، شہباز شریف نے راہداری ریمانڈ وچ وی

نومبر 06, 2018

وزارت داخلہ دا نواز شریف تے بچیاں دے ناں ای سی ایل وچ پان توں انکار

اسلام آباد: وزارت داخلہ نے نواز شریف تے اوہناں دے بچیاں دے ناں ای سی ایل وچ پان توں انکار کر دِتا اے۔

نیب ولوں نواز خاندان دے ناں ای سی

فروری 20, 2018

مریم نواز دا اپنی میڈیا ٹیم نوں فیر متحرک کرن دا فیصلہ

اسلام آباد: مریم نواز نے اپنی میڈیا ٹیم نوں متحرک کرن دا فیصلہ کر لیا، نواز دور وچ وزیراعظم ہاؤس وچ قائم میڈیا سٹرٹیجی اینڈ کمیونی کیشن سیل

جنوری 08, 2019

آرمی چیف دی ابوظہبی وچ شہزادہ شیخ محمد بن زید النہیان نال ملاقات

ابوظہبی: چیف آف آرمی سٹاف جنرل قمر جاوید باجوہ نے ابوظہبی وچ شہزادہ شیخ محمد بن زید النہیان نال ملاقات کیتی جیہدے دوران علاقائی سکیورٹی تے دفاعی

مئی 21, 2018