ٹرمپ دی عمران خان نال تاریخی ملاقات، مسئلہ کشمیر تے ثالثی دی پیشکش

imran khan meets Trump

واشنگٹن: امریکی صدر ڈونلڈ ٹرمپ نے وزیر اعظم پاکستان عمران خان نال تاریخی ملاقات وچ مسئلہ کشمیر تے ثالثی دی پیشکش کر دتی اے۔

وزیر اعظم عمران خان دی وائٹ ہائوس وچ امریکی صدر ڈونلڈ ٹرمپ نال ون آن ون ملاقات تے بعد ازاں وفود دی سطح تے مذاکرات ہوئے جہدے وچ دو طرفہ تعلقات ہور بہتر بنان تے تجارتی روابط دے فروغ سَنے اہم معاملات تے وی تبادلہ خیال کیتا گیا۔ غیر ملکی خبر رساں ادارے دے مطابق امریکی صدر ڈونلڈ ٹرمپ نے پاکستان نوں مسئلہ کشمیر تے ثالثی دی پیشکش کردے ہوئے آکھیا اے کہ دونویں رہنما ایس لئی اہم کردار ادا کرسکدے نیں۔

اوہناں دا آکھنا سی کہ پاکستان، افغانستان وچ ہن ساڈی بہت مدد کر رہیا اے، دہشتگردی خلاف دونواں ملکاں نے مل کے جنگ لڑی، امید اے کہ دونواں ملکاں دے تعلقات وچ ہور بہتری آوے گی۔ پاکستان نال افغانستان توں امریکی فوج دے انخلا دی گل جاری اے۔ افغان مسئلے دے حل لئی پاکستان کول اوہ پاور اے جیہڑی کسے ہور ملک کو ل نہیں اے۔

امریکی صدر ٹرمپ نے پاکستانی قوم تے وزیر اعظم عمران خان دی تعریف کرےہوئے آکھیا کہ پاکستان اک عظیم دیس اے، ایہناں نوں دورہ پاکستان دی دعوت دتی گئی تے اوہ ایہنوں ضرور قبول کرن گے۔ڈونلڈ ٹرمپ نے گل بات وچ وزیر اعظم عمران خان نوں دسیا کہ اوہناں دے بہت سارے پاکستانی یار دوست نیں، جیہڑے سارے تہاڈے ہار سخت جان نیں۔اوہناں نے آکھیا کہ پاکستان افغان جنگ دے دوران صف اول ملک دا کردار ادا کیتا، اسیں پاکستان نال ملک کے افغانستان چوں نکلن دا حل لبھ رہے آں، مینوں امید اے کہ اسیں افغان امن عمل وچ کسے نتیجے تے اَپڑ جاواں گے۔ایس موقع تے گل کردیاں وزیر اعظم عمران خان دا آکھنا سی کہ پاکستان لئی امریکا انتہائی اہمیت دا حامل ملک اے۔ نائن الیون بعدوں امریکا تے پاکستان پارٹنر رہے۔

نئی تبصرہ شامل کریں

About text formats

متعلقہ خبریں

موڈیز نے پاکستان دے بینکنگ سسٹم نوں مستحکم توں منفی کر دِتا

واشنگٹن: موڈیز نے پاکستان دے بینکنگ سسٹم دی درجہ بندی نوں مستحکم توں منفی کر دِتا اے۔

موڈیز دے مطابق ایس ورھے معاشی ترقی دی رفتار سست ہو

فروری 11, 2019

نقیب اللہ پُلس مقابلہ خود ساختہ، جھوٹا تے بے بنیاد سی: انکوائری رپورٹ

کراچی: انسداد دہشت گردی نے تحقیقاتی رپورٹ دی روشنی وچ نقیب اللہ دے قتل نوں ماورائے عدالت قرار دے دِتا۔

جنوری 24, 2019

اصغر خان کیس: سابق آرمی چیف اسلم بیگ عدالت وِچ پیش

اسلام آباد: سپریم کورٹ وِچ اصغر خان کیس دی سنوائی دے دوران سابق آرمی چیف جنرل (ر) مرزا اسلم بیگ پیش ہوئے جد کہ عدالت نے سُنوائی ڈھائی وجے تیک مل

مئی 07, 2018

احتساب عدالت: خواجہ سعد رفیق دا 2روزہ راہداری ریمانڈ منظور

لہور: احتساب عدالت نے سابق وزیر ریلوے خواجہ سعد رفیق دا 2روزہ راہداری ریمانڈ منظور کر لیا اے۔

جنوری 08, 2019

شریف خاندان دے لندن فلیٹس حرام تے پی ٹی آئی لیڈراں دے فلیٹس حلال، احسن اقبال

لہور: مسلم لیگ (ن) دے رہنما احسن اقبال نے آکھیا اے شریف خاندان دے لندن وچ 2 فلیٹس حرام تے پی ٹی آئی لیڈراں تے وزیراں دے 5،5 فلیٹس وی حلال

دسمبر 24, 2018

بھارت نے پاکستان نال مذاکرات تے آمادگی ظاہر کر دتی: سفارتی ذرائع

اسلام آباد: بھارت نے پاکستان نال مذاکرات تے آمادگی ظاہر کر دتی، پاکستان نے کشمیر تے دہشتگردی سَنے سارے مسائل تے مذاکرات دی پیشکش کیتی سی۔سفارتی

جون 20, 2019