بھارت آزاد کشمیر تے قبضے دا خواب نہ ویکھے: ترجمان پاک فوج

Major

پاک فوج دے ترجمان میجر جنرل آصف غفور نے بھارت نوں خبردار کیتا اے کہ اوہ آزاد کشمیر تے قبضے دا خواب نہ ویکھے۔

اسلام آباد وچ پریس کانفرنس کردے ہوئے پاک فوج دے شعبہ تعلقات عامہ(آئی ایس پی آر) دے ڈائریکٹر جنرل میجر جنرل آصف غفور دا آکھنا سی کہ ایس ویلے مقبوضہ کشمیر اک جیل اے جتھے ہر گھر دے بوہے تے بھارتی فوج کھلوتی اے۔ اوہناں نے آکھیا کہ لائن آف کنٹرول تے تہہ در تہہ سیکیورٹی دی موجودگی وچ اک بندہ وی اوس پاسے جانا بھارتی سیکیورٹی فورسز دی ناکامی اے۔

اوہناں دا آکھنا اے کہ ایہو جیہے ماحول وچ پاکستان ولوں انفرادی یا کسے ہور طور تے ایہو جیہا کوئی ایکشن پاکستان تے کشمیر کاز نال غداری ہووے گی۔ ترجمان پاک فوج نے آکھیا کہ ایہو جیہا کوئی واقعہ جہدے نال پاکستان تے کشمیر کاز نوں نقصان اَپڑے، پاکستان اوس دا متحمل نہیں ہو سکدا۔ ڈی جی آئی ایس پی آر نے آکھیا کہ مقبوضہ کشمیر وچ انسانی حقوق دی خلاف وزریاں ہو رہیاں نیں تے آون والے ویلے وچ کشمیر وچ جبرو تشدد ودھے گا۔ میجر جنرل آصف غفور نے آکھیا کہ بھارتی آرمی کمانڈر ایل او سی دے پارسے در اندازی دے الزامات لا رہے نیں تے خدشہ اے کہ بھارت پلوامہ طرز تے کوئی جھوٹا آپریشن کر سکدااے۔

اوہناں نے ہور آکھیا کہ بھارت پلوامہ طرز دے جھوٹے آپریشن نوں بنیاد بنا کے پاکستان کلاف کارروائی کرا سکدااے پر پاکستان دی مسلح افواج پوری طراح تیار تے ایل او سی تے موجود نیں۔اوہناں دا آکھنا اے کہ بھارتی فوج نے مس ایڈونچر یا جارحیت دی کوئی کوشش کیتی تے پاک فوج بھرپور جواب دیوے گی۔میجر جنرل آصف غفور نے آکھیا کہ مقبوضہ کشمیر توں پابندیاں اُٹھدیاں ای کشمیریاں دا ردِ عمل سامنے آ جاوے گا، بھارت ایہو چاہندااے کہ کشمیر وچ حالات خراب ہون تے اوہ بارڈر تے آ جاوے۔ اوہناں نے آکھیا کہ نائن الیون بعدوں بھارت تحریک آزادی کشمیر نوں دہشت گردی نال جوڑن دی کوشش کر رہیا اے ، بھارت نے سرحدی خلاف ورزی کیتی تے اوہنوں سرپرائز دیاں گے۔

نئی تبصرہ شامل کریں

About text formats

متعلقہ خبریں

وفاقی کابینہ وچ جہانگیر ترین نوں فیر ضرور بلاواں گے: فواد چوہدری

اسلام آباد: وزیر اطلاعات فواد چوہدری نے آکھیا اے وفاقی کابینہ وچ جہانگیر ترین نوں دوبارہ وی بلاواں گے تے ضرور بلاواں گے، پاکستان وچ ایہناں جہیا

اپریل 03, 2019

جے حکومت نوں شاباش نہیں دے سکدے تے روز طعنے وی نہ دین: احسن اقبال

اسلام آباد: وفاقی وزیر داخلہ احسن اقبال دا کہنا اے کہ اسیں پاکستان دی خدمت کیتی اے ایس لئی حکومت نوں شاباش نہیں دے سکدے تے روزانہ طعنے نہ دِتے جا

اپریل 25, 2018

شہباز شریف دے جوائی عمران علی یوسف اشتہاری قرار

لہور: احتساب عدالت نے سابق وزیراعلیٰ پنجاب شہباز شریف دے جوائی عمران علی یوسف نوں اشتہاری قرار دے دِتا۔

لہور دی احتساب عدالت وچ پنجاب پاو

اگست 07, 2018

نواز شریف تے جہانگیر ترین ساری حیاتی لئی نااہل قرار

اسلام آباد: سپریم کورٹ آف پاکستان نے آئین دے آرٹیکل 62 ون ایف دے تحت ارکارن پارلیمنٹ دی نااہلی دی مدت دی تشریح بارے کیس دا فیصلہ سنا دِتا، جس

اپریل 13, 2018

لہور ہائیکورٹ: شہباز شریف دی ضمانت منظور ، رہا کرن دا حکم

لہور: لہور ہائیکورٹ نے شہباز شریف دی ضمانت منظور کردے ہوئے رہا کرن دا حکم دے دتا۔

عدالت نے اپوزیشن لیڈر نوں10،10 لکھ دے 2 ضمانتی مچلکے جم

فروری 14, 2019