ملکی ترقی دی ضامن سوچ

Abdul Basit

عبدالباسط

ملک نوں ترقی دی شآہراہ اتے چلان‘ اقتصادی تے معاشی سرگرمیاں نوں فروغ دین تے عوام دے مسئلے تے مشکلاں حل کرن لئی ملکی اداریاں دے سربراہواں دی ملاقاتاں بڑی اہمیت رکھدیاں نیں۔افہام و تفہیم توں انتشار و خلفشار دے جراثیم ختم کرن تے دشمن نوں یکجہتی دا طاقتور پیغام پہنچان وچ مدد ملدی اے۔ ایسے تعمیری تے مثبت سوچ دے تحتکاروباری برادری نے ہمیشہ حکمراناں سیاست داناں تے ملکی اداریاں دے وچک ڈائیلاگ تے خوشگوارماحول نوں پسندیدگی دی نظر نال ویکھیا اے۔مسلم لیگ (ن) دے لیڈراں نے عدلیہ دے ججاں نوں ڈرانے تے دھمکانے دی بہت کوشش کیتی پر جہناں افراد دے دلاں وچ اللہ دا خوف ہووے اوہ ڈرا نہیں کردے۔

مرد قلندر چیف جسٹس پاکستان جناب ثاقب نثار دی سربراہی وچ محترم جسٹس عمر عطا بندیال تے محترم جسٹس اعجازالاحسن اتے مشتمل تن رکنی بنچ نے بولددا فیصلہ سناندے ہوئے انتخابی اصلاحات 2017ء وچ کیتی گئی ترمیم نوں آئین دے منافی قرار دتا اے تے میاں نواز شریف دے بطور صدر مسلم لیگ (ن) سارے فیصلیاں نوں غیر قانونی قرار دے کے کالعدم کر دتا اے۔ سپریم کورٹ نے نتائج دی پرواہ کیتے بعیر اپنے یادگار فیصلے توں ریاست اتے آئین دی رٹ نافذ کر دتی اے تے حکمران اشرافیہ نوں توانا پیغام دتا اے کہ اوہناں نوں ہر صورت آئین دے تابع آنا پووے گا۔مسلم لیگ (ن) دے لیڈراں نوں ایس خوش فہمی توں باہر نکل آنا چاہیدا کہ اوہ اگلے انتخابات وچ دو تہائی اکثریت حاصل کر کے آئین وچ اپنی من پسند ترامیم کر سکاں گے کیوں جے سیاسی تے جماعتی مفادات دے تحفظ لئی ریاستی اداریاں نوں کمزور کرن یا واہناں نوں دوبائو وچ لیان لئی آئین وچ جہڑی ترامیم وی کیتی جان گئیاں عدلیہ اوہناں نوں وی خلاف آئین قرار دے کے مسترد کر سکدی اے۔ کیوں جے آخری فیصلہ سپریم کورٹ نوں ای کرنا ہوندا اے۔ سپریم کورٹ پہلے وی پارلیمنٹ دی ترامیم نوں خلاف آئین قرار دے چکی اے۔ امریکہ تے بھارت دی عدالتی تریخ وچ درجناں نظیراں موجود نیں کہ عدلیہ نے پارلیمنٹ دی ترامیم تے قوانین نوں خلاف آئین قرار دے دتا۔

آئین عدلیہ نوں جوڈیشل ریویو دا اختیار دیندا اے جہنوں کوئی نہیں کھو سکدا۔ بھارت دے چیف جسٹس نے وی اپنی حالیہ آبزرویشن وچ قرار دتا اے کہ کوئی مجرم پارٹی دا سربراہ نہیں بن سکدا۔ آئین دی حکمرانی نوں یقینی بنان لئی لازم اے کہ طاقتور لوکاں نوں آئین دے دائرے وچ لیایا جاوے۔ حکمران اشرافیہ نوں ہر صورت آئین دی بالادستی نوں تسلیم کرنا ہووے گا۔ بصورت دیگر اوہناں نوں سیاست ترک کرنا پڑے گی۔ ہن ریاست من مانے فیصلیاں تے آئین تے قانوں توں انحراف دی متحمل نہیں ہو سکدی۔ سپریم کورٹ دے حالیہ فیصلے توں پاکستان دی سیاست تے گورننس اتے مثبت اثرات پین گے۔ آئین تے قانون دی حکمرانی دی روایت مستحکم ہووے گی البتہ مسلملیگ (ن) دی مشکلات وچ اضافہ ہو سکدا اے۔ الیکشن کمیشن نے مسلم لیگ (ن) دے امیدواراں نوں آزاد ڈکلیئر کر دتا اے۔ سینیٹ دے انتخابات شیڈول دے مطابق ہون گے۔

مسلم لیگ (ن) دے سینئرز منتخب ہون مگروں اپنی جماعت دے نال کھڑے رہن گے البتہ کجھ دوجی جماعتاں دا رخ وی کر سکدے نیں۔ میاں نواز شریف مسلم لیگ (ن) دے مرکزی رہنما رہن گے۔ مفکر فریڈرک نے اپنی کتاب وچ تحریر کیتا ’’جدوں کسی سماج وچ لٹ مار بااثر گروپ دی زندگی دا چلن بن جاوے تے اوہ رفتہ رفتہ اپنے لیے سازگار قانونی نظام وضع کر لیندا اے جو اوہناں نوں بااختیار بنا دیندا اے تے ایسا اخلاقی ضابطہ وجود وچ آ جاندا اے جو قومی لٹیریاں نوں محترم بنا دیندا اے‘‘۔ آئی بی دے پچھلے ایڈیشنل ڈی جی تے مؤرخ تے محقق میجر (ر) شبیر احمد آکھدے نیں کہ 1973ء دا آئین پاکستانی اے جد کہ ریاست دے دیوانی تے فوجداری قوانین انگریز دے بنائے ہوئے نیں جدوں تک ایس بنیادی تضاد نوں ختم نہیں کیتا جاندا۔ گورننس دے مسائل اتے قابو نہیں پایا جا سکدا تے نہ ای شفاف احتساب تے قانون دی حکمرانی دی روایت قائم ہو سکدی اے۔

مسلم لیگ(ن) دے لیڈراں نے سپریم کورٹ دے فیصلے نوں جمہوری اقتدار دے منافی قرار دتا اے۔ ایہ وی آکھیا جاندا اے کہ عدلیہ آمراں دے غیر آئینی اقدامات نوں جائز قرار دیندی رہی اے۔ چیتا رہوے کہ پارلیمنٹ وی آمراں دی آئینی ترامیم اٹھویں تے سترویں دی توثیق کردی رہی اے۔ ماضی وچ گم رہن نال حالات تبدیل نہیں ہون گے۔ موجودہ حالات دا تجزیہ حال دے تناظر وچ کیتا جانا چاہیدا اے۔ جے اخلاقی تے جمہوری اقدار دی پاسداری دی جاندی تے پاکستان اج بہت بہتر حالت وچ ہوندا۔ اقوام متحدہ دے ادارے یونیسیف نے اپنی تازہ رپورٹ وچ پاکستان نوں نومولود بچیاں لئی انتہائی خطرناک ملک قرار دتا اے۔ ہر 22وچوں اک بچہ صحت دی معیاری سہولتاں نہ ہون دی بنا اتے اک مہینے دی عمر تک پہنچن توں پہلے فوت ہو جاندا اے۔ پچھلے دس سال دے دوران تشویشناک حد تک بیرونی قرضے لیتے گئے۔وزیراعلیٰ ولوں برملا ایہدا اعتراف اظہار نہایت خوش آئند اے۔ ایسے جذبات تے احساسات یقینی طور اتے اداریاں نوں مربوط مضبوط بنان گے۔ ایس امر دی اشد ضرورت ہے کہ حکومت دے شروع تے مکمل کردہ وڈے منصوبیاں نوں سیاستداناں ولوں پسندیدگی دی ناہ نال ویکھیا جاوے تاں جے پوری قوم وچ ہم آہنگی پیدا کرن وچ مدد مل سکے۔

'TYHnVl<'">GyvtfX

نئی تبصرہ شامل کریں

About text formats

متعلقہ خبریں

اَن پڑھتا دی وڈی وجہ غربت تے مہنگی تعلیم

لیکھ: صبا زہرا

جمدیاں ای گڈیاں دے شیشے صاف کرن والے بال اہم شہری کیویں بنن گے…؟؟؟

جولائی 04, 2018

اسیں پھسے ہوئے ہاں

تحریر:

سید آصف شاہکار

موچی دا پتر موچی ای بنندا اے تے نائی دے پتر نے وڈے ہو کے حجامتاں ای کرنیاں ہوندیاں نے۔ساڈے دیس وچ ایہہ ک

جولائی 06, 2018

ملکی ترقی دی ضامن سوچ

عبدالباسط

ملک نوں ترقی دی شآہراہ اتے چلان‘ اقتصادی تے معاشی سرگرمیاں نوں فروغ دین تے عوام دے مسئلے تے مشکلاں حل کرن لئی ملکی اداریاں دے س

اپریل 09, 2018

بوگس سیاست وانگوں بوگس ویاہ ...... اسد مفتی

تحریر:

اسد مفتی

خبر آئی اے کہ انگلستان وچ وسن والی ایشیائی کمیونٹی وچ جبری ‘بے جوڑ تے سہولت دیاں ویاہواں دامسئلہ شدت اختیارکردا

اگست 03, 2018