ہڈی چوس گروہ تے نویں انقلاب دی نیہنہ

Mudassar Iqbal Butt


اخبارات ابلاغ دا آسان تے مضبوط ذریعہ نیں۔ فی زمانہ ویکھیا جاوے تے پچھلے اک صدی دے دوران آن والے سارے انقلاب خواہ اوہ فکری ہون145 سیاسی یا علمی145 اوہناں وچ اخباراں دا کردار کلیدی نوعیت دا رہیا اے۔ پاکستان وچ روزانہ ہزاراں اخبار شائع ہوندی نیں جہناں دی کل اشاعت لکھاں وچ بن دی اے۔ ایہ اخبار145 رسالے تے جرائد ہر دن اپنے قارئین تک نہ صرف خبراں دی ترسیل ممکن بناندے نیں بلکہ اوہناں دے سیاسی شعور دی آبیاری وی کردے نیں۔ ویلے دے نال نال معاشرے وچ رونما ہون والی تبدیلیاں نوں ویکھیا جاوے تے جتھے دوجے شعبے زوال پذیر ہو کے سیاست دے زیراثر ہوئے اوتھے اخباری صنعت وی ایس آلودگی توں بچ نہیں پائی۔ ایس صنعت نوں کجھ اخبار مالکان دے مفادات دی دیمک نے ایسی بربادی نال دوچار کیتا اے کہ ایہدی بقاء ہن وڈی جراحی دے بغیر ممکن نہیں۔ معاملے دا جائزہ لیتا جاوے تے ساڈے ہاں ہمیشہ حکومتاں نے میڈیا نوں کنٹرول کرن لئی تفریق دا اک خاص حربہ استعمال کیتا اے انج اخباراں نوں دو حصیاں وچ ونڈ دتا جاندا145 اک صف وچ اوہ ہوندے جہناں نوں حق گوئی دا مرض لاحق ہوندا جد کہ دوی لائن وچ ایسے اخباراں نوں رکھیا جاندا جہناں دے مالکان یا مدیران نوں خوشامد شاہ دے سارے گر آندے ہوندے۔

اک طبقے لئی ددھ تے شہد دی نہراں بہا دتی جاندیاں جد کہ دوجے لئی اخبار شائع کرنا اینا مشکل بنا دتا جاندا کہ اوہ اپنے معاشی بوجھ تھلے دب کے رہ جاندا۔ جدوں ایہ حکمران ذرا کمزور پیندے تے اوہناں نوں اوہدے وچ زمانے بھر دی خامیاں نظر آن لگدیاں۔ ایہ شاہی دستر خاناں توں ہڈیاں چوسن والا ٹولہ آہستہ آہستہ اکٹھا ہون لگیا۔ مفادات چونکہ سانجھے سن ایس لئی اک ای تھاں دکان سجا لیتی گئی۔ ہن حکمراناں لئی وی معاملہ آسان ہو گیا اوہناں نوں ایدھر اودھر دے بجائے سارا سودا اک تھاں دستیاب ہون لگیا۔ ایس ہڈی چوس گروہ نے جدوں ویکھیا کہ مفادات آسانی نال میسر نیں تے ایس گروہ نے اپنے آسے پاسے انج دا دائرہ کھچ لیا جہدے وچ عام بشر دا داخلہ ممنوع قرار پایا۔ ہزار کوشش دے باوجود ایس گروہ نے اپنے چٹے بٹے یا پالتوواں دے سوا ایتھے کسی نوں آن ای نہیں دتا۔ کوئی ایدھر دارخ کرن دی کوشش وی کردا تے ایہ اوہنوں رل کے بھنبھوڑنا شروع کر دیندے۔ سو عام سفید پوش بشر اپنی عزت تے دامن بچا کے نکل جان ای وچ عافیت سمجھدا۔ ویلے دے نال نال ایہ گروہ مضبوط ہوندا چلا گیا145 ہڈیاں چوسن تے دوجیاں نوں بھنبھوڑن دا سلسلہ وی چلدا رہیا۔
ایس سارے کھیڈ وچ جتھے ہڈی چوس گروہ مفادات چکدا رہیا اوتھے اوس توں دور رہن والے اخبارات مسلسل نقصان اٹھاندے رہے۔ سرکاری اشتہاراں دی غیر منصفانہ تقسیم تے ودھدے اخراجات نے ہڈی چوس گروہ توں دور رہن والے اخباراں نوں چھوٹے اخبار بنا دتا۔ کجھ دی سرکولیشن گم ہوئی تے کجھ بے چاریاں دی تے سانواں ای رک گئیاں۔ ہڈی چوس گروہ سرکاری اشتہارات تے ایسا قابض ہویا کہ ایہدا وڈا حصہ ایہ ہڑپ کر لیندا جد کہ باقی بچے ہوئے معمولی حصے نوں اخباراں دی وڈی تعداد وچ ونڈ دتا جاندا۔ یار لوکاں نے بڑی کوشش کیتی کہ کسی طرح حکومت نوں قائل کیتا جاوے پر ہڈی چوس گروہ اینا مضبوط سی کہ اوہندے کسی دی چلن ای نہیں دتی۔ بیورو کریسی توں لے کے سیاستداناں تک اوہناں نے ساریاں نوں جیویں یرغمال بنا رکھیا اے۔ حالاں جے سارے جان دے نیں کہ ہڈی چوس گروہ وچ اکثریت ایہناں اخباراں دی اے جو آپ ڈمی نیں تے اوہناں دی اشاعت وی اشتہار نال مشروط اے۔ ہر حکومت جان دی اے145 سیاستدان وی اوہناں دی اصلیت نال خوب واقف نیں پر اوہدے باوجود اوہناں نوں اپنے نال رکھدے نیں۔ کجھ اوہناں دی خوشامد دے عادی ہو چکے تے کجھ اوہناں دی بلیک میلنگ توں ڈردے نیں۔
ایہناں حالات وچ اوہ ہزاراں اخبار بے نوا ہو چکے نیں جو ایس ہڈی چوس گروہ دا حصہ نہیں۔ ہن ایہ بے نوائی خود آواز بن رہی اے۔ ایسی آواز جو ردعمل وی اے تے انقلاب وی۔ ہن ایہ بے نوا اک مشت ہو رہے نیں۔ مٹھی بھر ہڈی چوس گروہ دے سامنے اوہ ہزاراں حقیقی صحافی نیں جہناں دی آواز سازش نال خاموش کروائی گئی سی۔ جہناں دا حق ایہ ٹولہ اک عرصے توں غصب کر رہیا سی۔ ہن ایس غاصب ٹولے کولوں اپنے حقوق کھون دا ویلا کول آ رہیا اے۔ اوہ جہناں نوں دیوار نال لایا گیا سی ہن اپنا حق کھون لئی نکل رہے نیں۔ ایس ہڈی چوس گروہ نوں اپنا حق نہیں مارن دتا جاوے گا۔ ہن حساب لیتا جاوے گا۔ کسی خاص گروہ نوں ایہ اجازت نہیں دتی جاوے گی کہ اوہ اکثریت دے حق تے ڈاکہ پائے۔ NPAP (نیوز پیپرز اینڈ پیریاڈیکلو ایسوسی ایشن آف پاکستان) ایسا پلیٹ فارم اے جتھے ایہناں سارے اخباراں دے حقوق دی جنگ لڑی جاوے گی جو ایس ہڈی جوس گروہ دے شرکاء دا شکار نیں۔ قافلہ چل پیا اے۔بگل وی وج چکیا۔ ہن میدان سجن والا اے۔ اوہ میدان جتھے سب حساب ہووے گا۔ کچا چٹھا وی کھولیا جاوے گا تے کرتوت وی کھولے جان گے۔ ہن بس ویکھدے جائو ہوندا کیہ کیہ اے

نئی تبصرہ شامل کریں

About text formats

متعلقہ خبریں

کیہ میرے "جانوں" چور نیں؟

تحریر: جاوید ملک

مئی 12, 2018

نواں پاکستان ........ کرن وقار

پاکستان وچ عام انتخابات مگروں جتھے مرکز تے چاراںصوبیاں وچ حکومت سازی لئی کوششاں جاری نیں ۔اوتھے خیبر پختوانخواہ اک ایسا صوبہ اے جتھے تحریک انصاف دو

اگست 03, 2018

’’کون لین آئے گا غریب دی دھیاں‘‘

تحریر:

صدام ساگر

جولائی 27, 2018

خارجہ تعلقات

تحریر:

اسداللہ بھلر

 

جولائی 09, 2018

مسیحا نوں کم کرن دیو ۔۔ ۔۔ ۔۔ لکھت: ڈاکٹر صغرا صدف

ایس کائنات وچ بہوں وڈے تے نیک لوک موجود نیں جیہڑے حیاتی نوں کسے خاص مقصد لئی دان کر کے لوکائی دی فلاح وچ رُجھے رہندے نیں۔ ایہناں نال ای حیاتی دیاں

فروری 05, 2018

اسیں پھسے ہوئے ہاں

تحریر:

سید آصف شاہکار

موچی دا پتر موچی ای بنندا اے تے نائی دے پتر نے وڈے ہو کے حجامتاں ای کرنیاں ہوندیاں نے۔ساڈے دیس وچ ایہہ ک

جولائی 06, 2018