’’کون لین آئے گا غریب دی دھیاں‘‘

Sadam Sagar

تحریر:

صدام ساگر
 

دھیاں اللہ دی رحمت ہوندیاں نیں۔ ایس غربت زدہ دور وچ جہیز جیسی لعنت نے کجھ لوکاں دی دھیاں نوں گھر توں بے گھر ہون اتے مجبور کر رکھیا اے کیوں جے بظاہر جہیز نوں لعنت منن والے در پردہ جہیز دی لمی لسٹاں پوری کرن لئی کڑیاں دے والدین نوں تھما دیندے نیں۔ غریب دی دھی جدوں وڈی ہو جاوے تے کوئی رشتہ لین تک نہیں آندا۔ جے رشتہ ہو وی جاوے تے اوہنوں جہیز نہ ملن دی وجہ نال طلاق دا سرٹیفکیٹ دے دتا جاندا اے تے فیر اوہ بیچاری ساری زندگی ایسے عذاب وچ گزار دیندی اے۔ کجھ لوک تے دھیاں نوں بوجھ سمجھ لیندے نیں۔ اوہناں دا فیصلہ جلد بازی وچ کر دیندے نیں جہدے جواب وچ دھی ذلت دی زندگی گزاردی ہوئی اپنے شوہر دا ظلم و ستم برداشت کردے ہوئے اپنے بالاں دا ڈھڈ پالن لئی محنت و مشقت کردی اے ۔اوس ویلے نہ تے گھر والے کجھ کر سکدے نیں تے نہ ای بالاں لئی کڑی کوئی ہور قدم چک سکدی اے۔ اج جے دھیاں دی نسبت ویکھیا جاوے تے دھیاں والدین دی ٹھیک طرح خدمت توں لے کے ہر شعبہ‘ ہر میدان وچ دھیاں توں اگے وکھائی دیندی نیں۔ شروع توں لے کے اج تک دھیاں ظلم تے جبر تے تشدد دانشانہ بن دی چلی آ رہیاں نیں۔ ساڈے کول کدی دھیاں نوںغیرت دے ناں اتے مار دتا جاندا اے یا فیر زندہ ساڑ دتا جاندا اے۔

ایہ سوچے بنا ای کہ غلط کون اے پتر یا دھی۔انج کوئی نہیں سوچدا جے کوئی سوچدا ہووے تے اوہدی صدا کوئی نہیں سن دا۔ ساڈے معاشرے وچ جے کسی دی دھی جوان ہو جاوے تے لوکاں دی طراں طراں دی گلاں شروع ہو جاندیاں نیں‘ کوئی کیہ کہندا اے تے کوئی کیہ‘ حتیٰ کہ ایتھے تک وی نہیں سوچیا جاندا کہ کل کلاں اوہناں دی دھیاں اتے وی انگلی چکی جا سکدی اے۔ جد کہ پتر کھلی عیاشی کرے‘ ہر طراں دے عیب وچ مبتلا ہونا نافرمانی دا مرتکب ہووے تے فیر وی اوہناں لوکاں نوں کجھ خبر نہیں ہوندی۔ مینوں یاد اے کہ کجھ مہینے پہلے اک بزرگ تپتی دھپ وچ گرم سڑکاں اتے ننگے پیر بھیک منگ رہیا سی۔ ایہ ویکھ کے میں حیران سی کہ ویکھو ایہ کس قدر مجبور تے لاچار نیں۔ تھوڑی دیر مگروں جدوں اوہ میرے کول آیاتے میں پچھیا بابا تسیں بھیک کیوں منگ رہے نیں۔ ایہ سوال پچھدے ہوئے مینوں آپ شرم آ رہی سی۔ میرے سوال دا جواب دیندے ہوئے بابا نے آکھیا کہ پتر میرا شوق نہیں بھیک مانگنا میں گھرتوں بے گھر ایس لئی آں کہ میرے جوان پتراں نے مینوں گھر توں کڈدتا اے۔

میری تن دھیاں نیں جہڑے اجے جوان نیں۔ میں اوہناں دے جہیز لئی بھیک منگتا واں پر ایہناں پیسیاں توں جہیز تے دور دی گل پتر دو ویلے دا کھانا نہیں کھایا جاندا۔ اوس بزرگ دی درد بھری کہانی سن کے میرے اندر دا انسان جاگیا تے میں اوس بزرگ دی کجھ مدد کر دتی۔ اوہ مینوں دعا دیندے ہوئے کہن لگیا پتر سدا خوش رہو اللہ تہاڈا بھلا کرے۔ مجبور تے لاچار لوکاں دی مدد کرنا ساڈے ساریاں دا فرض اے۔ اک دوجے دے کم آنا عبادت وی اے تے ایسے کم جہناں توں دوجیاں دا دکھ درد ونڈن وچ راحت ملے ودھ چڑھ کے کرنے چاہیدے نیں تے دعاواں لینی چاہیدیاں نیں کیوں جے کجھ لوکاں دی دعاواں وچ بڑا اثر ہوندا اے۔ گل ہو رہی سی دھیاں دی تے اوہناں لئی جہیز دی تے ایس بارے میں ہر کسی نوں بڑے خلوص نال سوچنا ہووے گا تاںجے ایہدے مثبت نتائج سامنے آسکن۔ اخیر وچ اک نظم اپنے دوست عمران علی حیدر دی کتاب ’’میرے حال دل پہ نظر کرو‘‘ توں جہدے توں اج دے کالم دا عنوان وی لیتا گیا اے۔
کون لینے آئے گا غریب در کی بیٹیاں
کون جانے کب یہ ہو گی اپنے گھر کی بیٹیاں
بھارِ زندگی اُٹھائے سوچتی تو ہوں گی یہ
اپنے گھر کی ہو گئیں سبھی نگر کی بیٹیاں
شکوہ وشکایتیں نہ چشم ولب کی جمبشِ
کیا کہیں گی باپ سے یہ چارہ گر کی بیٹیاں
مانا تو رحیم ہے کریم ہے مرے خدا
کیا رہیں گی عکسِ غم ترے بشر کی بیٹیاں
یہ بھی ہیں خدا کی دین ان کی کیا خطا علیـ
ظلم کا شکار ہیں جہاں بھر کی بیٹیاں
٭٭٭٭

نئی تبصرہ شامل کریں

About text formats

متعلقہ خبریں

پنجاب دااگلا وزیر اعلیٰ تے گنجے فرشتے ..... مدثر اقبال بٹ

پنجاب دااگلا وزیر اعلیٰ تے گنجے فرشتے

اگست 03, 2018

مسیحا نوں کم کرن دیو ۔۔ ۔۔ ۔۔ لکھت: ڈاکٹر صغرا صدف

ایس کائنات وچ بہوں وڈے تے نیک لوک موجود نیں جیہڑے حیاتی نوں کسے خاص مقصد لئی دان کر کے لوکائی دی فلاح وچ رُجھے رہندے نیں۔ ایہناں نال ای حیاتی دیاں

فروری 05, 2018

’’کون لین آئے گا غریب دی دھیاں‘‘

تحریر:

صدام ساگر

جولائی 27, 2018

برلن‘ لہور تے ساڈی گلی

تحریر:

وجاہت مسعود
 

 

جولائی 30, 2018

بوگس سیاست وانگوں بوگس ویاہ ...... اسد مفتی

تحریر:

اسد مفتی

خبر آئی اے کہ انگلستان وچ وسن والی ایشیائی کمیونٹی وچ جبری ‘بے جوڑ تے سہولت دیاں ویاہواں دامسئلہ شدت اختیارکردا

اگست 03, 2018