گُونگا........... افضل راز

Afzal Raaz

تحریر:

افضل راز

 

ممکن اے تہانوں ایہہ گلاں بُریاں لگن،پر میں ایہہ ضرور کرنا چاہواں گا…میں گونگا لکھن والا آں تے لاہور دی اک ماڑی وستی وچ رہنا واں…مینوں تُسی بزدل وی کہہ سکدے او…’’ایہہ اوہ سطراں نیں جہڑیاں مینوں اک چٹھی راہیں ملیاں سن…اوہ لکھدا اے’’راز جی !تسی مہان او،ایہہ تہانوں مکھن نئیں لا رہیا،تہاڈے تگڑے کماں پاروں تہاڈی تعریف کررہیا واں…تہاڈے کالم دا میں مستقل قاری آں…تہاڈی جرأت نے مینوں بولن تے مجبور کیتا اے…میرے گوانڈ اک شاعر رہندا سی…ہن اوہنوں مریاں وی سال ہون نوں آیا اے…وچارا لمی بیماری ہتھوں اڈیاں رگڑداایس دنیا توںٹُر گیا اے…سبھ نے اک دن مر جانا اے ،پر ایس دی موت دا ڈاہڈادکھ اے…اللہ اوہنوں جنت الفردوس وچ جگہ دے آمین…تہانوں دسنا ایہہ چاہنا واں…ایہدے کول ساڈے ملک دا مشہورڈرامہ نگار آئوندا سی،کھوجکاری توں بعد پتہ چلیا جے اوہ ڈرامہ نگار وی نئیں سی…پر اوہ بڑا کامیاب سی…ایہہ بہروپیا، ایس شاعر نوں مہینے دا دو ہزار روپیہ دیندا سی تے اوہدے کو لوں شاعری لکھوا کے لے جاندا سی…میں اک عرصہ ایہو سمجھ دا رہیا …ایہہ شاعر دی بیمار پُرسی لئی آئوندا اے…تے میں ایس پاروں ایہدی قدر وی کردا ساں …اک واری میں اپنے گھر ایس دی دعوت وی کیتی سی…پر جدوں دا ایس دی پلیتی دا پتہ چلیا اے میں اوس دعوت تے وی پچھتا رہیا واں…اوس شاعر دی بیماری دا ایہہ عالم سی بیچارا ساہ لینوں اوکھا ہوندا سی…پر اوہ بہروپیا اوہنوں آکے مجبور کردا سی مینوں نظم غزل فلاں ویلے چاہی دی اے…شاعر نیں بڑا آکھنا ،میں ایس حالت وچ نئیں لکھ سکدا…مینوں نئیں پتہ تسی بس لکھ کے دیو…شاعر دی جدوں حالت سدھرنی تے اوہنے کُجھ ناں کُجھ لکھ دینا…شاعر اگر ایہہ سبھ کجھ ناں کردا تے اوہنے وقتوں پہلاں ای مر جانا سی…جہڑے ڈنگ اوہنے کڈھے نیں، اوہ دوائی سی جہڑا ایہہ بہروپیا ایس نوں لے کے دیندا سی…اک دن ایس بہروپیے دی قسمت ماڑی ،میں وی اوتھے موجود ساں…مینوں شاعر دا مُنڈا بلا کے لیایا سی …چچا جی چھیتی نال چلو ،میرے ابیّ دی حالت خراب اے،میں اپنے اک دوست ڈاکٹر نوں فون تے اوتھے بلا لیا تے ایس شاعر نوں چیک کرایا،…ڈاکٹر دا ایہہ کہنا سی،ایہنوں تسی چھیتی توں چھیتی ہسپتال داخل کرادیو …کیوں جے ایہدی بیماری دن بدن وگڑدی جارہی اے…اجے ایہہ گلاں ہو رہیا سن تے اوہ بہروپیا آگیا تے اوہنے آئوندیاں شاعر دا حال نئیں پچھیا’’میرا کم ہو گیا اے؟شاعر نے نیم بے ہوشی دی حالت وچ کہیا ’نئیں‘‘ٹھیک اے میں فیر چلنا واں،میں کتاب لئی اپنے پبلشر نوں وی ملنا اے،اجے شاعر کجھ آکھنا ای چاہندا سی،اوہ بہروپیا مونہہ بنا کے اوتھوں ٹُر گیا…شاعر دی اوس ویلے ایسی حالت نئیں سی جے اوہدے کولوں کُجھ پُچھیا جاندا…اوہنوں ہسپتا ل داخل کرایا،اوتھے دا انچارج ڈاکٹر میرا جانوں سی…میں اوہنوں ساری صورتحال دسی،ڈاکٹر کہیا تسی فکر ناں کرو،میںاپنے طور تے ایہناںدی بھرپور مدد کراں گا…تیجے چوتھے دن اوہنوں کُجھ افاقہ ہویا تے میں اوس بہروپیے بارے اوہدے کولوں پچھیا… پہلاں تے اوہنے ناں دسیا ،فیر میرے مجبور کرن تے ساری کہانی سنا دتی…جدوں ایس شاعر دا انتقال ہویا تے ایس بہروپیے نے ایس دا جنازہ وی نئیں سی پڑھیا…ناروے دے رہن والے اک جانو نے،ایس بہروپیے بارے اک گل دسی،کہن لگا اسی اک واری مشاعرہ کروانا سی تے اک شاعر دے راہیں ایہدے نال رابطہ کیتا تے ایس بہروپیے نے آکھیا میں دس ہزار روپیہ لواں گا …اساں ایہدے نال دس ہزار مُکا کے ناروے سَد لیا…مشاعرے والے دن اایہنے اڑی کر لئی ،کہن لگا میں تے مشاعرہ نئیں پڑھاں گا…مینوں پنجی ہزار روپیہ دیو گے تاں پڑھاں گا…اوہ انتظامیہ کہن لگی تسی تے ساڈے نال طے کیتا سی…’’ایہہ ساری گل ٹھیک اے پر میں تے پنجی ہزار لے کے ای پڑھا ں گا…فیر اوہناں نوں مجبوراً سبھ کجھ کرنا پیا…ایہہ اوہدا کردار اے جنہوں لوک وڈا ڈرامہ نگارتے شاعر سمجھ دے نیں… پر اصل وچ ایہہ لوک وڈے نئیں…ایہہ تے ادب دے ناں تے کالک نیں…ایہناں نوں ننگا کرنا چاہی دا اے…تسی ایسے کرداراں نوں بے نقاب کر کے اصل وچ جہاد کر رہے او…میں ایس واقعے توں پچھے ہورناں بندیاں بارے وی کھوجکاری کیتی اے…راز جی ،مینوں گند ای گند نظر آیا اے…ایہناں لوکاں دا سوشل بائیکاٹ ہونا چاہی دا اے…کوئی ایسی تنظیم بننی چاہی دی اے ،جہڑی ایہناں نوں چوکاں وچ رکھے تے آئوندے جاندے لوکی ایہناں نوں چھتّر مارن…تہاڈے شروع کیتے جہاد وچ ایہہ گونگا وی حصہ پاندا رہوے گا…تہاڈا اپنا گونگا(لہور)ایہہ او ہ چٹھی سی جہدے وچ اک ایسے کردار بارے دس پائی گئی اے،میں کہنا واں ایہہ کوئی کردار نئیں…ایہہ لوک چھتراں دے قابل نیں ایہناں نوں سگواں مونہہ کالا کرکے کھوتے تے بٹھا کے شہروشہر تے پنڈو پنڈ دا چکر لوانا چاہی دا اے…ایسے بندے لہور وچ ای نئیں دُوجیاں تھاواں تے وی پائے جاندے نیں…
٭٭٭
 

نئی تبصرہ شامل کریں

About text formats

متعلقہ خبریں

بوگس سیاست وانگوں بوگس ویاہ ...... اسد مفتی

تحریر:

اسد مفتی

خبر آئی اے کہ انگلستان وچ وسن والی ایشیائی کمیونٹی وچ جبری ‘بے جوڑ تے سہولت دیاں ویاہواں دامسئلہ شدت اختیارکردا

اگست 03, 2018

’’کون لین آئے گا غریب دی دھیاں‘‘

تحریر:

صدام ساگر

جولائی 27, 2018

میر صحافت ’’میر خلیل الرحمن‘‘

لکھت:صدام ساگر
 

جنوری 24, 2019

اَن پڑھتا دی وڈی وجہ غربت تے مہنگی تعلیم

لیکھ: صبا زہرا

جمدیاں ای گڈیاں دے شیشے صاف کرن والے بال اہم شہری کیویں بنن گے…؟؟؟

جولائی 04, 2018

اسیں پھسے ہوئے ہاں

تحریر:

سید آصف شاہکار

موچی دا پتر موچی ای بنندا اے تے نائی دے پتر نے وڈے ہو کے حجامتاں ای کرنیاں ہوندیاں نے۔ساڈے دیس وچ ایہہ ک

جولائی 06, 2018