نواں پاکستان ........ کرن وقار

Kiran Waqar

پاکستان وچ عام انتخابات مگروں جتھے مرکز تے چاراںصوبیاں وچ حکومت سازی لئی کوششاں جاری نیں ۔اوتھے خیبر پختوانخواہ اک ایسا صوبہ اے جتھے تحریک انصاف دوجی واری حکومت بناوے گی۔ فرق صر ف اینا ہووے گا کہ پرانی حکومت اتحادی سی جد کہ ایس واری تحریک انصاف دو تہائی اکثریت نال کامیابی حاصل کرن مگروں اپنی مرضی دی حکومت قائم کرے گی تے اک نواں پاکستان بنے گا۔
پاکستان تحریک انصاف دے سربراہ عمران خان لئی وزیراعظم بنن دی راہ ہموار وکھائی دے رہی اے پر عمران خان دے سفر دی اک لمی کہانی وی اے۔ جے عمران خان وزیراعظم بن دے نیں تے اوہ کسے وی ملک وچ وزارت عظمیٰ دا عہدہ سنبھالن والے پہلے کرکٹر بن جان گے۔ پچھلے انڈین کرکٹر کپل دیو نے انڈین چینلاں دے نال گل بات کردے ہوئے آکھیا کہ ایہ بہت وڈی کامیابی اے۔ ملک دے مقابلے وچ کھیڈ کجھ وی نہیں۔ جدوں اوہناں نے 25ورھیاں پہلے ورلڈکپ جتیا تے اوہ بہت خوش سن تے اج وی اوہ انج ای نیں۔ کرکٹ دے میدان وچ اپنے ملک دی نمائندگی کرنا تے فیر سپریم لیڈر بن جان دا احساس بہت خوشگوار اے۔ بہت سارے کھڈاری سیاسی عہدیاں اتے رہے پر کوئی وی ایس مقام تک نہیں پہنچ سکیا۔
پاکستان تحریک انصاف صوبہ پنجاب وچ اپنی جماعت دی حکومت بنان لئی ایڑی چوٹی دا زور لا رہی اے تے دوجے پاسے پاکستان مسلم لیگ ن نوں پنجاب وچ اپنی روایتی حاکمیت برقرار رکھن وچ مشکلاں داسامنا اے۔ پچھلی اک دہائی توں پنجاب وچ حکومت کرن والی ن لیگ اتے ایسا ویلا گھٹ ای آیا اے ۔ تاہم حالیہ انتخابات وچ اوہ واضح اکثریت حاصل کرن وچ نکام رہی تے صوبائی انتخابات وچ 127نشستاں دے فرق نال اگے اے۔ یعنی کسی جماعت دے کول وی حکومت بنان لئی درکار 148ارکان اسمبلی نہیںنیں۔ ایسے صورت وچ پنجاب توں بطور آزاد امیدوار انتخابات جتن والے 128امیوار نمبر گیم وچ خصوصی اہمیت اختیارکر چکے نیں۔ دونویں جماعتاں دی کوشش اے کہ ودھ توں ودھ آزاد امیدواران حاصل کرسکے۔ اوہ جہڑے پاسے گئے اوس جماعت دا پلڑا بھاری ہووے گا۔ تاہم انج کرن لئی پاکستان تحریک انصاف نوں 28وچوں 25آزاد امیدواراں دی حمایت درکار ہووے گی۔
پاکستان تحریک انصاف دے چیئرمین عمران خان نال پاکستان مسلم لیگ ق دے سربراہان دی ملاقات مگروں پاکستان تحریک انصاف دے سیکرٹری اطلاعات فواد چودھری نے دعویٰ کیا کہ اوہناںدی جماعت نوں پنجاب وچ 18 آزاد امیدوار ایس ق لیگ دے 8نشستاں سنے زنانیاں دی نشستاں رلا کے 180ارکان دی حمایت حاصل ہو چکی اے۔ ایس طراں تحریک انصاف دی جماعت صوبے وچ حکومت بنان دی پوزیشن وچ اے۔کافی آزاد امیدوار تحریک انصاف وچ شمولیت اختیارکرچکے نیں تے ن لیگ ولوں ایس ضمن وچ دتا گیا حلف نامہ الیکشن کمیشن وچ جمع کروایا جاوے گا۔ دوجے پاسے پاکستان مسلم لیگ ن نے وی آزاد امیدواراں دے دعوے کیتے پر اوہناں دی صحیح گنتی تے شناخت تاحال سامنے نہیں آئی۔ 
ملک وچ جہڑے طاقتور حلقے نیں اوہ پاکستان تحریک انصاف دی حمایت کر رہے نیں۔ پاکستان تحریک انصاف دے چیئرمین عمران خان کولوں عوام دی امیداں جڑیاںنیں۔ امید ایہو کیتی جاندی اے کہ اوہ نواں پاکستان بنان وچ کامیاب ثابت ہون گے۔ میری مسلم لیگ ن نوں ایہو تجویز اے کہ اوہ اپنی ہار نوں تسلیم کرلین تے ہن نواں پاکستان بنن دین۔

نئی تبصرہ شامل کریں

About text formats

متعلقہ خبریں

ملکی ترقی دی ضامن سوچ

عبدالباسط

ملک نوں ترقی دی شآہراہ اتے چلان‘ اقتصادی تے معاشی سرگرمیاں نوں فروغ دین تے عوام دے مسئلے تے مشکلاں حل کرن لئی ملکی اداریاں دے س

اپریل 09, 2018

پنجاب دااگلا وزیر اعلیٰ تے گنجے فرشتے ..... مدثر اقبال بٹ

پنجاب دااگلا وزیر اعلیٰ تے گنجے فرشتے

اگست 03, 2018

گُونگا........... افضل راز

تحریر:

افضل راز

 

جولائی 28, 2018

قندوز سے دوما تک

ایثار رانا

شکر اے ساہڈے بچے محفوظ نیں۔ ساہڈی دعا اے اوہ ہمیشہ ہسدے مسکراندے رہن۔ ملال وی ساہڈی بچی اے‘ اوہنوں اک گولی لگی سی۔ اوہدی تعلیم

اپریل 09, 2018