وہاب ریاض نے نیشنل کرکٹ اکیڈمی وچ ٹریننگ شروع کر دِتی

لہور: قومی ٹیم دے فاسٹ بولر وہاب ریاض نے نیشنل کرکٹ اکیڈمی وچ باقاعدہ ٹریننگ دا آغاز کر دِتا۔

کرکٹر وہاب ریاض دا دو ہفتیاں پہلاں نک دا آپریشن ہویا سی جیہدے کارن ڈاکٹراں نے اوہناں نوں آرام دا مشورہ دِا سی پر اک واری فیر اوہناں نے باقاعدہ ٹریننگ شروع کر دِتی۔

قومی ٹیم دی سلیکشن کمیٹی نے وہاب ریاض نوں آئرلینڈ تے انگلینڈ دے خلاف سیریز لئی منتخب نہیں کیتا پر اوہ قومی ٹیم وچ واپسی لئی پُرعزم نیں۔

وہاب ریاض دا انگلش کاؤنٹی وچ شامل ٹیم ڈربی شائر نال وی معاہدہ ہو چکیا اے تے اوہ ایس سیزن وچ کاؤنٹی کرکٹ وچ وی ایکشن وچ وِکھائی دین گے۔