نیوزی لینڈ نے پاکستان نوں ابوظہبی ٹیسٹ وچ ہرا کے سیریز اپنے ناں کر لئی

نیوزی لینڈ

ابوظہبی: نیوزی لینڈ نے ابوظہبی ٹیسٹ وچ پاکستان نوں 123 سکور توں ہرا کے تن میچاں دی سیریز اپنے ناں کر لئی۔

شیخ زاید سٹیڈیم وچ کھیڈے جا رہے میچ دے آخری دیہاڑے نیوزی لینڈ نے 7 وکٹاں دے نقصان تے 353 سکور بنا کے اننگز ڈکلیئر کیتی تے قومی ٹیم نوں جِت لئی 280 سکور دا ہدف ملیا۔ گرین کیپس ولوں امام الحق تے محمد حفیظ نے اننگز دا آغاز کیتا تے 19 دے مجموعی سکور تے حفیظ 8 سکور بنا کے ٹم ساؤتھی دی گیند تے بولڈ ہو گئے۔

پہلی اننگز وچ سنچری بنان والے اظہر علی کریز تے زیادہ دیر نہ ٹھہر سکے تے 5 سکور دے مہمان ثابت ہوئے۔ بعدوں حارث سہیل 9، اسد شفیق صفر، امام الحق 22 تے کپتان سرفراز احمد 28 ، بلال آصف 12 تے یاسر شاہ 4 سکور بنا کے پویلین ٹُر گئے۔ بابر اعظم نے کیوی بولراں دے ساہمنے کجھ مزاحمت وِکھائی تے 51 سکور بنا کے اعجاز پٹیل دی گیند تے آؤٹ ہوئے۔ نیوزی لینڈ ولوں سومرویلے، اعجاز پٹیل تے ٹم ساؤتھی نے 3،3 جد کہ گرینڈ ہوم نے اک وکٹ حاصل کیتی۔ ایس توں پہلاں پنجویں دیہاڑے کھیڈ شروع ہویا تے پہلی ای گیند تے حسن علی نے کیوی کپتان کین ولیمسن نوں ایل بی ڈبلیو آؤٹ کیتا۔

اوہناں نے 139 سکور دی اننگز کھیڈی۔ کریز تے پہلاں توں موجودہ ہینری نکولس تے گرینڈ ہو م نے چھویں وکٹ تے 62 سکور دی شراکت قائم کیتی تے ٹیم دا مجموعی سکور 334 تیک اپڑایا تے گرینڈ ہوم 26 سکور بنا کے یاسر شاہ دی گیند تے کیچ آؤٹ ہوئے۔ ستویں آؤٹ ہون والے بلے باز واٹلنگ سن جیہناں نوں یاسر شاہ نے بولڈ کیتا، کیویز نے اننگز ڈکلیئر کیتی تے ہینری نکولس 126 تے ٹم ساؤتھی 15 سکور نال کریز تے موجود سن۔

نئی تبصرہ شامل کریں

About text formats

متعلقہ خبریں

ہاکی اوپن سیریز، افتتاحی میچ وچ ازبکستان دی افغانستان دے خلاف کامیابی

لہور: ہاکی اوپن سیریز دے افتتاحی میچ وچ ازبکستان نے افغانستان نوں صفر دے مقابلے وچ 11 گولاں توں ہرا دِتا۔

دسمبر 17, 2018

پی ایس ایل: ملتان سلطان دی چھیویں ہار نے پلے آف توں آئوٹ دی تلوار لٹکا دتی

دبئی:پی ایس ایل فور وچ ملتان سلطانز دی چھیویں ہار نے پلے آف توں آئوٹ دی تلوار لٹکا دتی، زلمی دے لیام ڈائوسن دی دھواں دار 52 رنز دی اننگز نے اسلا

مارچ 02, 2019

نجم سیٹھی دِیاں پی سی بی وچ شاہ خرچیاں سامنے آ گئیاں

لہور: پاکستان کرکٹ بورڈ دے سابق چیئرمین نجم سیٹھی دی ملازمت دے دوران شاہ خرچیاں دی تفصیلات ساہمنے آ گئیاں۔

اکتوبر 27, 2018

مصباح الحق قائداعظم ٹرافی دی تاریخ وچ سبھ توں وڈی عمر دے کپتان بن گئے

کراچی: قومی ٹیم دے سابق کپتان مصباح الحق قائداعظم ٹرافی دی تاریخ وچ سبھ توں وڈی عمر قیادت کرن والے کپتان بن گئے۔

دسمبر 04, 2018

یوتھ اولمپک ہاکی کوالیفائرز، انڈر 18قومی ٹیم دا اعلان

لہور/گوجرہ: یوتھ اولمپکس دے ایشین ہاکی کوالیفائرز لئی 9رکنی قومی ہاکی سکواڈ دا اعلان کر دِتا گیا۔

وقاص احمد کپتان تے محب اللہ نائب کپتان

اپریل 18, 2018

پاکستانی ویٹ لفٹر نے آسٹریلیا وچ گولڈ میڈل جِت لیا

پاکستانی ویٹ لفٹر رابعہ شہزاد نے آسٹریلیا وچ گولڈ میڈل جِت لیا۔

نومبر 03, 2018