پرو ہاکی لیگ لئی 33کھڈاری شارٹ لسٹ

Pro Hockey

لہور: پرو ہاکی لیگ لئی قومی کھڈاریاں دے 3روزہ ٹرائلز ختم ہو گئے نیں تے کیمپ وچ شامل 51وچوں 33کھڈاریاں نوں شارٹ لسٹ کیتا گیا اے۔

نیشنل ہاکی سٹیڈیم لہور وچ شیڈول قومی ٹیم دے کیمپ وچ 51وچوں 33کھڈاریاں نوں شارٹ لسٹ کیتا گیا اے۔ ایہناں ٹرائلز دی نگرانی قائم مقام سیکرٹری پی ایچ ایف ایاز محمود، چیف سعید خان تے سلیکٹر قاسم خان نے کیتی۔ ٹرائلز دے آخری دیہاڑے کھڈاریاں وچکار پریکٹس میچز کھیڈے گئے جیہدے وچ آفیشلز نے پلیئراں دی کارکردگی دا جائزہ لے کے اوہناں نوں کیمپ دا حصہ بنان یاں نہ بنان دا فیصلہ کیتا۔

پاکستان ہاکی فیڈریشن دے قائم مقام سیکرٹری ایاز محمود نے آکھیا کھڈاریاں وچ بے پناہ ٹیلنٹ موجود اے، جے اوہناں دی ٹھیک سمت وچ رہنمائی کیتی جاوے تے انٹرنیشنل سطح تے میڈلز جِت کے دیس دا ناں روشن کر سکدے نیں۔ ماضی وچ ساڈی فتح دا دارومدار اٹیکنگ ہاکی اُتے سی، ایسے ہتھیار نوں مستقبل وچ وی اپنا کے نتائج اپنے ناں کرن دی کوشش کراں گے۔

پرو ہاکی لیگ 19 جنوری توں شروع ہووے گی، ایونٹ وچ 4 کنفڈریشنز دِیاں 9 ٹیماں پاکستان، آسٹریلیا، بیلجیم، ہالینڈ، جرمنی، انگلینڈ، ارجنٹائن، اسپین تے نیوزی لینڈ رَلت کرن گیاں، گرین شرٹس دا پہلا میچ 2فروری نوں ارجنٹائن دے نال ہووے گا۔

 

 

نئی تبصرہ شامل کریں

About text formats

متعلقہ خبریں

نجم سیٹھی نے ہرجانہ کیس وچ ناکامی دا ملبہ بھارتی لابی تے پا دِتا

لہور: سابق چیئرمین پی سی بی نجم سیٹھی نے ہرجانہ کیس وچ ناکامی دا ملبہ بھارتی لابی تے پا دِتا۔

نجم سیٹھی نے آکھیا اے پاکستان دا کیس قطعی

نومبر 23, 2018

پی ایس ایل، چیئرمین پی سی بی نے غیر ملکی کرکٹراں دے پاکستان آن دی نوید سنا دِتی

لہور: پی سی بی دے چیئرمین احسان مانی نے پاکستان سپر لیگ وچ سارے معروف غیر ملکی کرکٹراں دے پاکستان آ کے کھیڈن دی نوید سنا دِتی۔

جنوری 17, 2019

سپینش فٹبال لیگ، بارسلونا نے ہیوسکا نوں ہرا دِتا

بارسلونا: سپینش فٹبال لیگ وچ سپر سٹار میسی دی ٹیم بارسلونا نے ہیوسکا نوں دلچسپ مقابلے بعدوں2-8 توں ہرا دتا اے۔

سپینش لیگ وچ ہیوسکا نے بار

ستمبر 03, 2018

ویمنز ورلڈ ٹی ٹونٹی وچ پاکستان دی پہلی جِت، 3 ریکارڈ ٹُٹ گئے

ویمنز ٹی ٹونٹی وچ گرین شرٹس نے ایس فارمیٹ وچ اپنا سبھ توں وڈا مجموعہ 139 حاصل کیتا آئر لینڈ دے خلاف میچ وچ جویریہ خان ملک سبھ توں وڈی انفر

نومبر 14, 2018

ویمنز ٹی ٹونٹی ورلڈ کپ وچ ثناء میر دی گیند ''پلے آف دی ٹورنامنٹ'' قرار

کراچی: ایس ورھے آئی سی سی ویمنز ورلڈ ٹی 20 وچ پاکستانی بولر ثنا میر دی حیران کن لیگ بریک گیند نوں ''پلے آف دی ٹورنامنٹ'' قرار دِتا گیا اے

دسمبر 12, 2018

ویرات کوہلی انگلینڈ وچ کیریئر دی پہلی ٹیسٹ سنچری بنان وچ کامیاب

برمنگھم: بھارتی کپتان ویرات کوہلی انگلینڈ وچ اپنے کیریئر دی پہلی ٹیسٹ سنچری سکور کرن وچ کامیاب ہو گئے۔

ویرات کوہلی نے 4 ورھے پہلاں انگلش

اگست 03, 2018