قومی بائولرز358 رنز دا دفاع نہ کر سکے، امام الحق دی سنچری ضائع

England cricket

برسٹول: انگلینڈ نے پاکستان نوں تیجے ون ڈے میچ وچ 6 وکٹاں توںہرا کے سیریز وچ 2-0 دی برتری حاصل کر لئی، قومی بائولر وڈے ہدف دا دفاع کرن وچ ناکام نظر آئے تے رہی سہی کسر ناقص فیلڈنگ نے کڈھ دتی، امام الحق دی شاندار سنچری رائیگاں گئی۔

برسٹول وچ کھیڈے گئے تیجے ون ڈے میچ وچ پاکستان نے ٹاس ہارن بعدوں بیٹنگ دی دعوت ملن تے 50 اوورز وچ 9 وکٹاں تے 358 رنز بنائے۔ فخر زمان ایس وار فیل ہو گئے تے صرف 2 رنز بنا کے ٹردے بنے، بابر اعظم وی لمبی اننگز نہ کھیڈ سکے تے 15 رنز تے اپنی وکٹ گنوا بیٹھے، حارث سہیل نے 41 رنز دی اننگز کھیڈی، کپتان سرفراز مجموعی سکور وچ 27 رنز دا وادھا کر سکے۔امام الحق نے 151 رنز دی اننگز کھیڈی جہدے وچ اک چھکا تے 16 چوکے شامل سن، اوہ پاکستان ولوں انگلینڈ خلاف سب نالوں ودھ انفرادی سکور بنان والے بلے باز وی بن گئے، ایس توں پہلاں ایہہ اعزاز فخر زمان دے کول سی جہناں نے پچھلے میچ وچ 138 رنز بنائے سن۔

آصف علی نے جارحانہ بیٹنگ کردے ہوئے 43 گینداں تے 52 رنز بنائے جہدے وچ 3 زبردست چھکے تے 2 چوکے شامل سن۔ عماد وسیم 22، فہیم اشرف 13 تے شاہین آفریدی 7 رنز تے پویلین لوٹے جد کہ حسن علی 18 تے جنید خان صفر تے ناٹ آئوٹ رہے۔ کرس ووکس نے 4 وکٹاں حاصل کیتیاں۔انگلینڈ نے 45 ویں اوور دی 5 گیند تے 4 وکٹاں دے نقصان تے 359 رنز بنا کے فتح اپنے ناں کر لئی تے سیریز وچ 2-0 دی برتری حاصل کر لئی۔

مر د میدان جانی بیئر سٹو نے 128 رنز دی اننگز کھیڈی جد کہ جیسن رائے 76 ، جوروٹ 43 تے بین سٹوکس 37 رنز بنا کے آئوٹ ہوئے۔ معین علی 46 تے کپتان این مورگن 17 رنز بنا کے ناٹ آئوٹ واپس لوٹے۔ گرین شرٹس دی بائولنگ لائن پوری طراں ناکام رہی تے فیلڈر نے 5 آسان کیچز چھڈ کے انگلینڈ دی فتح نوں ہور آسان بنا دتا۔ جنید خان ، عماد وسیم تے فہیم اشرف نے اک اک وکٹ حاصل کیتی۔

نئی تبصرہ شامل کریں

About text formats

متعلقہ خبریں

پی ایس ایل دے تیجے میچ وچ سلطانز تے قلندرز آمنے ساہمنے ہوون گے

پاکستان سپر لیگ دے تیجے میچ وچ ملتان سلطانز تے لہور قلندرز دیاں ٹیماں اک دوجے دے مد مقابل ہوون گئیاں۔

فروری 23, 2018

کوئی مینوں وڈا بیٹسمین نہ وی سمجھے تے پرواہ نہیں: اسد شفیق

لہور: اسد شفیق دا کہنا اے کوئی مینوں وڈا بیٹسمین نہ وی سمجھے تے پرواہ نہیں۔

دسمبر 06, 2018

سہ ملکی ٹی 20 سیریز، پاکستان نے آسٹریلیا نوں 45 سکور توں ہرا دِتا

ہرارے: سہ ملکی ٹی 20 سیریز دے پنجویں میچ وچ پاکستان نے آسٹریلیا نوں 45 سکور توں ہرا دِتا۔ زمبابوے دے شہر ہرارے وچ کھیڈے گئے سہ ملکی ٹی 20 سیریز د

جولائی 05, 2018

فیفا فٹ بال ورلڈ کپ دی ٹرافی پاکستان اپڑ گئی

لہور: اصلی سونے نال بنی فیفا فٹ بال ورلڈ کپ ٹرافی عالمی دورے دے سلسلے وچ لہور اپڑ گئی۔

فروری 03, 2018

اسیں پاکستان آرمی نال کھڑے آں: عامر خان

پاک آرمی نال اظہار یکجہتی لئی پاکستانی نژاد برطانوی باکسر عامر خان وی میدان وچ آ گئے۔

پاکستانی نژاد برطانوی باکسر عامر خان نے سماجی رابطے

فروری 28, 2019