ایران دے شہر چابہار وچ پُلس ہیڈ کوارٹرز تے کار بم حملہ، 3 جی ہلاک

ایران دے شہر چابہار

تہران: ایران دے جنوبی ساحلی شہر چابہار وچ کار بم دھماکا ہویا جیہدے وچ تن جی ہلاک تے کئی زخمی ہو گئے۔

بین الاقوامی خبر رساں ادارے دے مطابق چابہار وچ نامعلوم مسلح بندیاں نے پُلس کمانڈاں دے دفتر تے کار بم حملہ کیتا، اجے تیک کسے گروپ نے حملے دی ذمہ داری قبول نہیں کیتی۔ امدادی اداریاں نے موقع تے اپڑ کے لاشاں تے زخمیاں نوں ہسپتال منتقل کیتا جتھے اوہناں نوں طبی امداد دِتی گئی۔ کجھ زخمیاں دی حالت تشویشناک دسی جاندی اے جیہدی وجہ توں ہلاکتاں وچ وادھے دا خدشہ اے۔

ایران خبر رساں ادارے تسنیم دے مطابق ایہہ خودکش حملہ سی جیہدے وچ پُلس دے ہیڈ کوارٹرز نوں نشانہ بنایا گیا۔ واقعے مگروں ایرانی سکیورٹی فورسز دی باھری نفری موقع تے اپڑی تے جائے وقوعہ دا محاصرہ کرکے مشتبہ بندیاں نوں لبھن لئی سرچ آپریشن کیتا۔ ایرانی حکومت نے واقعے دی تحقیقات شروع کر دِیاں نیں تے سرکاری میڈیا نے ایہنوں دہشت گرد حملہ قرار دِتا اے۔

نئی تبصرہ شامل کریں

About text formats

متعلقہ خبریں

کابل: امریکی فوجی دی ہلاکت مگروں اتحادی فوجاں دِیاں کارروائیاں، 25جنگجو ہلاک

کابل: افغانستان وچ امریکی فوجی دی ہلاکت مگروں وکھو وکھ صوبیاں وچ اتحادی فوجاں نے فضائی کارروائیاں کردیاں 25جنگجوواں نوں ہلاک کرن دا دعویٰ ک

جنوری 23, 2019

افغانستان وچ طالبان دا حملہ، ضلعی گورنر سَنے 15اہلکار ہلاک

کابل: صوبہ غزنی وچ طالبان دے حملے وچ ضلعی گورنر سَنے 15سکیورٹی اہلکار ہلاک ہو گئے۔

غیر ملکی خبر رساں ادارے دے مطابق افغانستان دے صوبے غزن

اپریل 12, 2018

نیوزی لینڈ وچ غیر ملکیاں دے گھر خریدن تے پابندی

کرائسٹ چرچ: نیوزی لینڈ وچ غیر ملکی شہریاں تے گھر خریدن تے پابندی لاگو کر دِتی گئی۔

غیر ملکی میڈیا دے مطابق نیوزی لینڈ دی حکومت نے غیر ملک

اگست 16, 2018

ہوائی: میزائل حملے دی غلط وارننگ توں ہلچل مچ گئی

 واشنگٹن ( مانیٹرنگ ڈیسک )امریکی ریاست ہوائی وچ موبائل فونز اتے بیلاسٹک میزائل حملے دی وارننگ ملدیاں ای ہر پاسے ہلچل مچ گئی۔ وارننگ وچ آکھیا گای سی

جنوری 15, 2018

امریکا دا افغان طالبان نال براہ راست مذاکرات دا فیصلہ

واشنگٹن: نیویارک ٹائمز نے دعویٰ کیتا اے 17 سالہ افغان جنگ وچ پہلی واری امریکا افغان طالبان نال براہ راست مذاکرات تے راضی ہو گیا اے تے وائٹ ہاؤس ن

جولائی 17, 2018

شمالی کوریا نال جلد معاہدہ ہو جاوے گا: ڈونلڈ ٹرمپ

واشنگٹن: امریکا تے شمالی کوریا وچ کشیدگی اختتام ول ودھن لگی تے دوواں ملکاں وچکار ہن جمی ہوئی برف پگھلدی ہوئی وکھائی دے رہی اے

جتھے امریکی

مارچ 10, 2018