ایٹمی حملے وچ پہل کر سکدے آں: بھارتی وزیر دفاع

Foreign Minister

 

پوکھران: بھارتی وزیر دفاع راج ناتھ سنگھ نے دبے لفظاں وچ ایٹمی حملے دی دھمکی دیندیاں آکھیا اے بھارت فی الحال جوہری ہتھیار استعمال نہ کرن دی پالیسی تے عمل پیرا اے پر مستقبل وچ حالات نوں ویکھدیاں ہوئیاں فیصلہ کیتا جائے گا۔

بین الاقوامی خبر رساں ادارے دے مطابق بھارتی وزیر دفاع راج ناتھ سنگھ نے ایٹمی دھماکہ کرن دی 21ویں سالگرہ دے موقع تے دھماکے دے مقام پوکھران وچ منعقدہ تقریب نال خطاب کردیاں آکھیا اجے اسیں جوہری ہتھیار دے استعمال وچ پہل نہ کرن دی پالیسی تے گامزن آں پر مستقبل وچ حالات نوں ویکھدیاں ہوئیاں پالیسی تبدیل وی کیتی جا سکدی اے۔

کسے بھارتی وزیر دفاع ولوں ایٹمی جنگ دی دھمکی پہلی واری نہیں دتی گئی اے سگوں ایس توں پہلاں وی وزیراعظم نریندرا مودی دے ای سابق وزیر دفاع منوہر پاریکر نے وی نومبر 2016وچ 'نو فرسٹ یوز' دی مخالفت کردیاں آکھیا سی کہ انڈیا نوں ایٹمی ہتھیار دے جنگ دے دوران پہلی ترجیح دے طور استعمال نہ کرن دی پالیسی تے عمل پیرا ہون دی کوئی لوڑ نہیں اے۔

بھارتی وزیر دفاع راج ناتھ سنگھ نے اپنی دھمکی نوں ٹویٹر تے وی دہراندیاںلکھیا اسیں اجے وی ایٹمی ہتھیاراں دی Not First Useپالیسی تے سختی نال عمل پیرا آں۔ پر مستقبل وچ کیہ ہووے گا، اوہ حالات تے منحصر اے۔ انڈیا دا جوہری صلاحیت دا اک ذمہ دار ملک بننا ہر شہری لئی باعث فخر اے تے سابق وزیراعظم اٹل واجپائی دا احسان کدی نہیں چکایا جا سکدا۔

نئی تبصرہ شامل کریں

About text formats

متعلقہ خبریں

امریکی نیوی اہلکار نے اسامہ دی لاش دیاں تصویراں نوں جعلی قرار دے دِتا

القاعدہ دے سابق سربراہ اسامہ بن لادن دے خلاف پاکستان وچ کیتے جان والے آپریشن وچ شامل امریکی نیوی سیل دے اہلکار نے دعویٰ کیتا اے کہ اسامہ بن لادن

مارچ 19, 2018

شمالی کوریا دے سربراہ نال ملاقات ویلے تے ہووے گی: ٹرمپ

واشنگٹن: امریکی صدر ڈونلڈ ٹرمپ دا کہنا اے شمالی کوریا دے سربراہ نال ملاقات ویلے تے ہووے گی۔

امریکی صدر ڈونلڈ ٹرمپ نے وائٹ ہاؤس وچ شمالی

جون 02, 2018

قندھار وچ طالبان دا سکیورٹی چیک پوسٹ تے حملہ، 7اہلکار ہلاک

قندھار وچ طالبان دے سکیورٹی چیک پوسٹ تے حملے وچ 7اہلکار ہلاک ہو گئے جد کہ جوابی کارروائی وچ 16جنگجو وی مارے گئے۔

جنوری 05, 2019

مقبوضہ کشمیر وچ بھارتی فوج دے مظالم جاری، ہور 2 نہتے نوجوان شہید

سری نگر:مقبوضہ کشمیر وچ بھارتی فوج دے مظالم جاری نیں، ضلع شوپیاں وچ بھارتی فورسز نے 2 کشمیری نوجواناں نوں بے دردی نال شہید کر دتا۔

نوجوان

مئی 03, 2019

امریکی بحریہ دا ایف 18لڑاکا طیارہ ڈِگ کے تباہ، 2اہلکار ہلاک

واشنگٹن: امریکی بحریہ دا ایف اے 18جنگی طیارہ سمندر وچ ڈِگ کے تباہ ہو گیا جیہدے نتیجے وچ اوہدے وچ سوار 2اہلکار ہلاک ہو گئے۔

امریکی ٹی وی د

مارچ 15, 2018

خاشقجی دے قاتل تے سعودی عرب وچ ای مقدمہ چلے گا: سعودی وزیر خارجہ

منامہ: سعودی عرب دے وزیر خارجہ عادل الجبیر نے آکھیا اے جمال خاشقجی دے قتل دی سماعت سلطنت دے قوانین دے تحت تے سعودی سرزمین تے ای ہووے گی۔ <

اکتوبر 27, 2018