کرکٹ کھیڈن ویلے وی میرا جذبہ فوجی والا ہوندا سی: جاوید میانداد

لہور: سابق قومی کپتان جاوید میانداد نے فوجی کیپ پاؤن دی وجہ دس دتی، اوہناں دا کہنا اے جے میں کرکٹر نہ بن دا تے فوج وچ ای جاندا، کرکٹ کھیڈن ویلے وی جذبہ فوجی والا ہوندا سی، میں ایہ وکھایا کہ ملک لئی کیویں لڑیا جاندا اے۔

اپنے اک انٹرویو وچ جاوید میانداد آکھیا پاک فوج دی پوری حمایت کرنا آں تے ایہنوں خراج تحسین پیش کرن لئی فوجی کیپ پانا آں، جدوں اوہناں توں پچھیا گیا کہ اوہناں نے ایہ کیپ کیہ بھارتی کرکٹرز دے فوجی کیپ پاؤن دے جواب وچ پائی، تے جاوید میانداد دا جواب سی میں کرکٹ کسے نوں ویکھ کے نہیں سکھی۔

اوہناں دا کہنا سی اوہ پنڈی ٹیسٹ ویکھن لئی بطور مہمان مدعو کرن تے چیئرمین پی سی بی احسان مانیکا دا گزار آں۔