پلس تے حساس اداریاں دی سانجھی کاروائی، پشاور دھماکے دا ملزم گرفتار

پشاور: خیبر پختونخوا پلس نے دعویٰ کیتا اے حساس اداریاں دے نال سانجھی کاروائی وچ پچھلے دناں پشاور وچ ہون والے دھماکے دے ملزم نوں گرفتار کر لیا گیا اے۔پلس دا کہنا اے گرفتار ملزم اکرام اللہ ہائی کورٹ دے باہر دھماکے وچ ملوث تے افغانستان دا رہائشی اے۔

ملزم 12دسمبر نوں چمن دے راستے پشاور اپڑیا سی تے حاجی کیمپ اڈا دے لاگے ہوٹل وچ قیام کیتا۔ملزم نے ایہ دھماکا بھاری رقم دے عوض تے کالعدم تنظیم دی ایماء تے کیتا۔ دھماکے لئی جان بوجھ کے 16دسمبر دا انتخاب کیتا گیا سی۔

یاد رہوے 16دسمبر نوں پشاور ہائی کورٹ دے باہر رکشے وچ ہون والے زور دار دھماکے وچ پلس اہلکار سنے 11بندے زخمی ہو گئے سن۔ ایس دہشت گردی لئی 4توں 5کلوگرام بارودی مواد استعمال کیتا گیا سی۔ سی سی پی او دے مطابق دھماکہ 12وج کے 5منٹ تے ہویا۔

اپنا تبصرہ گھلو