پی آئی سی حملہ: پلس وین نوں اگ لان والے وکیل دی شناخت ہو گئی

لہور: پچھلے ہفتے پنجاب انسٹی ٹیوٹ آف کارڈیالوجی تے حملے دے دوران پلس دی گڈی نوں اگ لان والے وکیل دی شناخت ہو گئی اے۔

تفصیلات دے مطابق وکیل دی شناخت عاطف بھٹی دے ناں توں ہوئی اے۔

پی آئی سی حملہ کیس وچ وکیلاں دے خلاف مقدمات خارج کرن دی درخواستاں تے سماعت دے دوران لہور ہائی کورٹ نے آکھیا جہنے جہنے ایہ گناہ کیتا اے اوہنوں کاروائی دا ساہمنا کرنا پوے گا۔

دوجے پاسے گرفتار وکیلاں دی رہائی دے معاملے تے وکیلاں تے ڈاکٹراں تے مشتمل8رکنی کمیٹی قائم کر دتی گئی اے، وکیلاں ولوں ہائی کورٹ بار دے صدر حفیظ الرحمان سنے چار وکلاء شامل نیں۔

دسیا گیا اے ڈاکٹراں ولوں چار ناں فائنل نہیں کیتے جا سکے، ناں فائنل ہون دے بعد کمیٹی کم شروع کر دیوے گی۔