العزیزیہ ریفرنس، نوازشریف دی اضافی دستاویزات جمع کران دی عرضی منظور


اسلام آباد ہائی کورٹ نے العزیزیہ ریفرنس وچ سابق وزیراعظم نوازشریف دی اضافی دستاویزات جمع کران دی درخواست منظور کردیاں نواں ڈویژن بنچ تشکیل دین دی سفارش کر دتی۔

جسٹس عامر فاروق دی سربراہی وچ اسلام آباد ہائی کورٹ دے دو رکنی بنچ نے نوازشریف دی العزیزیہ ریفرنس وچ سزا دے خلاف اپیل تے سماعت کیتی۔

نوازشریف نے سماعت دے دوران حاضری توں استثنیٰ دی درخواست دائر کیتی جہنوں عدالت نے منظور کر لیا۔ نوازشریف دی اضافی دستاویزات جمع کران دی درخواست وی عدالت نے منظور کر لئی۔

جسٹس عامر فاروق آکھیا نویں ڈویژن بنچ لئی چیف جسٹس نوں فائل گھل رہے نیں۔ نوازشریف دے وکیل خواجہ حارث آکھیا ایہ بنچ پہلاں ایس کیس نوں سن چکیا اے، بہتر تے ایہو اے کہ ایسے بنچ وچ سماعت ہووے۔

جسٹس عامر فاروق آکھیا جے ایہو بنچ بنیا تے ایہدے لئی چیف جسٹس خصوصی ڈویژن بنچ تشکیل دین گے۔ عدالت نے کیس دی سنوائی سردیاں دی چھٹیاں دے بعد تک ملتوی کر دتی۔

واضح رہوے نوازشریف نے کیس وچ جج ویڈیو سکینڈل دے تناظر وچ سزا دے خلاف اپیل تے فیصلہ کرن دی استدعا کر رکھی اے۔

اپنا تبصرہ گھلو