پنجاب اسمبلی نے قیدیاں دی فوری پے رول تے رہائی دا بل منظور کر لیا

لہور: پنجاب اسمبلی نے قیدیاں دی فوری پے رول تے رہائی دا بل منظور کر لیا۔ بل قنون بنن مگروں قیدیاں نوں فوری پے رول دی سہولت میسر ہو سکے گی۔

پے رول تے رہائی قید دے دوران چنگا رویہ رکھن والے قیدیاں نوں دتی جاوے گی۔ پے رول تے رہائی لئی بورڈ آف گورنرز دا قیام عمل وچ لیایا جاوے گا۔

بورڈ دا سربراہ ڈائریکٹر جنرل ہووے گا جہدی تعیناتی وزیراعلیٰ پنجاب کرن گے۔

بورڈ آف گورنرز پے رول تے رہائی دین یاں نہ دین دا مجاز ہووے گا۔ بل دے تحت پے رول تے رہائی معمولی جرائم وچ ملوث بندیاں نوں دتی جا سکے گی۔ 30

دناں دے اندر بورڈ پے رول تے رہائی دین یاں نہ دین دا فیصلہ کرے گا۔ پے رول تے رہائی سزائے موت، منشیات تے سنگین جرائم وچ ملوث مجرماں نوں نہیں دتی جاوے گی۔

بل دے تحت بورڈ آف گورنرز جیل وچ قید مجرم دے رویے نوں مدنظر رکھن گے۔ بورڈ آف گورنرز نوں پے رول تے رہائی ختم کرن دا وی اختیار ہووے گا۔