پرویز مشرف دے خلاف کیس ثابت نہیں ہو سکیا، جسٹس نذر اکبر دا فیصلے وچ اختلافی نوٹ

اسلام آباد: آئین شکنی کیس وچ سابق صدر پرویز مشرف نوں سزائے موت دین دے فیصلے دے خلاف جسٹس نذر اکبر نے اختلافی نوٹ وچ لکھیا اے استغاثہ پرویز مشرف دے خلاف کیس ثابت نہیں کر سکیا۔

پرویز مشرف سنگین غداری کیس دے فیصلے وچ جسٹس نذر اکبر نے اپنے اختلافی نوٹ وچ آکھیا استغاثہ پرویز مشرف دے خلاف کیس ثابت نہیں کر سکیا جد کہ وزارت داخلہ پرویز مشرف دے خلاف قنون دے مطابق غیر جانبدار تحقیقات نہ کر سکی، 3نومبر دی ایمرجنسی غیر قنونی تے غیر آئینی ہو سکدی اے تے 3نومبر دی ایمرجنسی تے سپریم کورٹ اپنا فیصلہ دے چکی اے۔

جسٹس نذر اکبر آکھیا شواہد دی عدم موجودگی وچ 3نومبر دے اقدامات نوں سنگین غداری نہیں آکھیا جا سکدا، ججاں نوں حراست وچ لین تے پرویز مشرف 4عدالتاں وچ ٹرائل دا ساہمنا کر رہے نیں۔