خصوصی عدالت دا فیصلہ شرعی طور تے نجائز اے: طاہر اشرفی

لہور: سابق صدر جنرل (ر) پرویز مشرف دے خلاف خصوصی عدالت دے تفصیلی فیصلے تے چیئرمین پاکستان علماء کونسل علامہ طاہر اشرف آکھیا اے پاکستان دے قنون تے شریعت وچ اجہے فیصلے دی کوئی نظیر نہیں ملدی۔

پرویز مشرف دے خلاف تفصیلی فیصلے تے علامہ طاہر اشرفی آکھیا خصوصی عدالت دا فیصلہ شرعی طور تے نجائز اے، پاکستان دے قنون تے شریعت وچ ایہدی کوئی نظیر نہیں ملدی، پاکستان علماء کونسل ایس فیصلے دی مذمت کردی اے۔

علامہ طاہر اشرفی دا کہنا سی جے پرویز مشرف نے جرم کیتا اے تے ایہدے وچ جج تے سیاستدان سارے شریک سن۔ اسلام آباد دی خصوصی عدالت نے پرویز مشرف دے خلاف سنگین غداری کیس دا تفصیلی فیصلہ جاری کر دتا اے جہڑا دو اک دی اکثریت نال سنایا گیا۔ تفصیلی فیصلہ169صفحیاں تے مشتمل اے۔