سرکار دا پرویز مشرف نوں سزا دین والے جج وقار احمد سیٹھ دے خلاف ریفرنس دا فیصلہ

اسلام آباد: سرکار نے پرویز مشرف نوں سزا دین والے خصوصی عدالت دے جج جسٹس وقار احمد سیٹھ دے خلاف سپریم جوڈیشل کونسل وچ ریفرنس دائر کرن دا فیصلہ کیتا اے۔وسیلیاں دے مطابق وزیراعظم عمران خان دی زیر صدارت میڈیا سٹرٹیجی کمیٹی دا اجلاس ہویا جہدے وچ خصوصی عدالت دے جج تے چیف جسٹس پشاور ہائی کورٹ وقار احمد سیٹھ دے خلاف سپریم جوڈیشل کونسل وچ ریفرنس دائر کرن دا فیصلہ کیتا گیا۔قنونی ٹیم نے آکھیا خصوصی عدالت دا تفصیلی فیصلہ غیر قنونی، غیر شرعی تے غیر انسانی اے، پرویز مشرف نوں ڈی چوک تے لٹکان دے جملے قنونی حدود نوں پار کرکے لکھے گئے نیں۔

وزیراعظم آکھیا تفصیلی فیصلہ ملک وچ انارکی، افراتفری دی صورتحال پیدا کرن دی کوشش اے، سرکار ملک وچ عدم استحکام تے اداریاں وچکار تصادم دی صورتحال پیدا نہیں ہون دیوے گی، تفصیلی فیصلے تے وزیر قنون فروغ نسیم حکومتی ردعمل تیار کرن گے۔