شہباز شریف دا ڈونگا گلی وچ 9کنال دا گھر نیب دے حکم تے سربمہر

ایبٹ آباد: مسلم لیگ (ن) دے صدر شہباز شریف دا ڈونگا گلی وچ واقع 9کنال اک مرلہ تے مشتمل گھر سیل کر دتا گیا، نیب نے اثاثہ جات کیس وچ گھر سربمہر کرن دا حکم دتا سی۔

گلیات ڈویلپمنٹ اتھارٹی نے نیب دے حکم تے شہباز شریف دی ڈونگا گلی دی 9کنال اک مرلہ گھر منجمد کردیاں سیل کر دتا۔ دسیا گیا اے آمدن توں ودھ اثاثہ جات کیس وچ نیب دے حکم تے جائیداد منجمد کرن دے بعد سیل کیتی گئی۔ شہباز شریف دا نشاط لاجز دے ناں تے گھر ڈونگا گلی وچ تعمیر کیتا گیا سی۔

واضح رہوے شہباز شریف ایہناں دناں اپنے وڈے بھرا نوازشریف دی عیادت دے سلسلے وچ لندن وچ مقیم نیں۔