مشرف خلاف عدالتی فیصلے نوں آئین تے قنون موجب ڈیل کرنا چاہیدا اے: مراد علی شاہ

کراچی: مراد علی شاہ آکھیا اے مشرف دا فیصلہ عدالت دا فیصلہ اے، پرویز مشرف دے خلاف عدالتی فیصلے نوں آئین تے قنون دے مطابق ڈیل کرنا چاہیدا اے، پیپلزپارٹی نوں ہمیشہ آئین دے خلاف اقدامات تے اعتراضات رہے۔

وزیراعلیٰ سندھ نے کراچی وچ میڈیا نال گل کردیاں آکھیا ملک مشکل حالات توں لنگھ رہیا اے، گورننس تے معاشی مسئلے ودھدے جا رہے نیں، سارے سٹیک ہولڈراں وچ تصادم ہن ختم ہونا چاہیدا اے۔

وزیراعظم نے میرے نال کوئی خفیہ رابطہ نہیں کیتا، سی سی آئی اجلاس وچ وزیراعظم نے بلایا اے، ایہدے وچ رلت کراں گا۔ مراد علی شاہ نے سی سی آئی اجلاس وچ پانی دا مسئلہ چُکن دا اعلان کیتا۔ مراد علی شاہ نے سینئر مینجمنٹ کورس دے شرکاء وچ اسناد وی تقسیم کیتیاں۔