سرکاری ملازماں دی ریٹائرمنٹ دی عمر نہ ودھان دا فیصلہ

اسلام آباد: سرکاری ملازماں دی ریٹائرمنٹ دی عمر وچ وادھا نہیں ہووے گا۔ ملازمین 60ورھے دی عمر وچ ای ریٹائرڈ ہون گے۔

ریٹائرمنٹ دی عمر وچ وادھے بارے قائم کمیٹی دی سفارشات تیار کر لئیاں۔ وسیلیاں دے مطابق کمیٹی نے ریٹائرمنٹ دی عمر وچ وادھا نہ کرن دی سفارش کردیاں آکھیا اے سرکاری ملازمین دی ریٹائرمنٹ دی عمر 60ورھے ای برقرار رکھی جاوے۔

ایہ اقدام نوجواناں دی صلاحیتاں توں ودھ توں ودھ استفادہ کرن لئی کیتا گیا اے۔

کمیٹی نے سرکاری افسراں نوں نوکری دے دوران تحفظ فراہم کرن لئی وفاقی سیکرٹریز دی تعیناتی دی مدت دو ورھے کرن دی وی سفارش کیتی اے۔

صوبائی سطح تے افسراں دی تعیناتی دا مرحلہ وار طریقہ کار وی متعارف کروایا جاوے گا۔

اپنا تبصرہ گھلو