چین نے اپنے سفارتخانے دی پرانی عمارت پاکستان نوں تحفہ وچ دے دتی

اسلام آباد: وزارت خارجہ دا عمارت وچ فارن سروس اکیڈمی بنان دا فیصلہ، عمارت دی تزئین و آرائش شروع کر دتی گئی۔ تفصیلات دے مطابق چین نے ڈپلومیٹک انکلیو وچ اپنے سفارتخانے دی پرانی عمارت پاکستان نوں تحفہ وچ دے دتی اے۔

وزارت خارجہ ولوں عمارت وچ فارن سروس اکیڈمی بنائی جاوے گی۔ذرائع دا کہنا اے 80کنال رقبہ تے بنی عمارت دی تزئین و آرائش شروع کر دتی گئی اے۔

ایس سلسلے وچ وزیر خارجہ مخدوم شاہ محمود قریشی نے ڈپلومیٹک انکلیو وچ اولڈ چائنہ ایمبیسی دا دورہ کیتا جتھے پاکستان وچ تعینات چینی سفیر یاؤ جنگ نے ایہناں دا خیر مقدم کیتا۔وزیر خارجہ نے چینی حکومت دے جذبہ خیر سگالی نوں سراہیا تے وزیراعظم عمران خان ولوں وی چینی حکام دا خصوصی شکریہ ادا کیتا۔ اوہناں نے بلڈنگ دے وکھو وکھ حصیاں دا دورہ وی کیتا۔