خصوصی عدالت دے پیرا 66 دی حمایت نہیں کیتی جا سکدی: رضا ربانی

اسلام آباد(بیورو رپورٹ)رضا ربانی نے آکھیا اے کہ خصوصی عدالت دے پیرا 66 دی حمایت نہیں کیتی جا سکدی۔ فیصلے توں متعلق متاثر افراد لئی قانونی راستہ موجود اے۔

رہنما پاکستان پیپلزپارٹی رضا ربانی نے اپنے بیان وچ آکھیا اے کہ سرکار عدلیہ دے خلاف منظم مہم چلان توں باز آجاوے۔

آئین دی خلاف ورزی کرن والے شخص نوں سراہن دی کوشش کیتی جارہی اے۔ آئینی عمل تے جمہوری اداریاں نوں پامال کرن والے شخص دی تعریف کیتی جارہی اے۔ متاثرہ شخص خصوصی عدالت دے فیصلے دے خلاف اپیل کر سکدااے ۔

اپنا تبصرہ گھلو