لہور ویسٹ مینجمنٹ کمپنی دیوالیہ، صفائی دا کم بند، شہر کوڑے دا ڈھیر بن گیا

لہور : لہور شہر ویسٹ مینجمنٹ کمپنی دیوالیہ ہو گئی۔ ادائیگیاں نہ ہون تے ترکی دے کنٹریکٹرز نے صفائی دا کم بند کر دتا۔ شہر کچرا کنڈی وکھائی دین لگا۔ تھاں تھاں پئے کوڑے دے ڈھیر انتظامیہ دی نااہلی دا ثبوت پیش

کرن لگے۔ شہر دی 274یونین کونسلاں وچ پئے کوڑے دے ڈھیر انتظامیہ دی نااہلی دا اشتہار بن گئے نیں۔ صورتحال تے سیکرٹری بلدیات، کمشنر لہور ڈویژن تے ڈپٹی کمشنر لہور وی چپ نیں۔ شہر وچ صفائی دی ناقص صورتحال تے شہری شدید تذبذب دا شکار نیں۔

ایل ڈبلیو ایم سی نے ترکی دے کنٹریکٹرز نوں 3ارب روپے دی ادائیگیاں نہیں کیتیاں۔ رقم طلب کرن دے باوجود وصولی نہ ہون تے کنٹریکٹرز نے کم کرن توں انکار کر دتا اے۔ معاہدے دے مطابق فروری 2020ء وچ ترکی دے کنٹریکٹر دا 7سالہ ٹھیکہ ختم ہو جاوے گا۔

لہور شہر ویسٹ مینجمنٹ کمپنی دے ایم ڈی راؤ امتیاز دا کہنا اے جلد لہور نوں زیرو ویسٹ کر دتا جاوے گا۔ ادائیگیاں بارے سارے افسراں نوں مطلع کر دتا اے۔