عمران خان دی دھمکیاں دے ساہمنے نہیں جھکاں گے، احسن اقبال

اسلام آباد(بیورورپورٹ) مسلم لیگ (ن) دے رہنما احسن اقبال داآکھنا اے کہ عمران خان دی دھمکیاں دے ساہمنے نہیں جھکاں گے۔اسلام آباد وچ میڈیا دے نال گل بات کردیاں ہویاں احسن اقبال نے آکھیا کہ مسلم لیگ (ن) دی سرکار نے برساں پرانے منصوبے مکمل کیتے، مسلم لیگ (ن) دی کامیاب پالیسیاں دے خلاف جھوٹ بولیا گیا، فارن فنڈنگ توں قوم دا مینڈیٹ کھویا گیا، 15ماہ وچ 12 لکھ افراد بیروزگار ہو چکے نیں، پاکستان جتنا اعتماد کھوچکیا اے ماضی وچ انج کدی نہیں ہویا سی۔

ملک نوں سرکار دی نالائقی تے تباہی توں بچاواں گے۔احسن اقبال داآکھنا سی کہ سرکار نیب دا ناں اپنے ایجنڈے لئی استعمال کررہی اے۔تے نیب دے ذریعے مخالفین دی کردار کشی کررہ یاے۔ سرکار دی نکامی اتے اٹھن والی ہر آواز نوں خاموش کرایا جارہیا اے۔ اوہنا ں نے مزیدآکھیا اے کہ عمران خان دی دھمکیاں دے ساہمنے نہیں جھکاں گے۔نارروال اسپورٹس سٹی منصوبے اتے ہن تیک ڈھائی ارب روپے خرچ ہوئے نیں

اپنا تبصرہ گھلو