سکھر: خورشید شاہ دی ضمانت اتے رہائی دا حکم آئندہ سماعت تیک معطل

سکھر:سندھ ہائی کورٹ سکھر نے پیپلزپارٹی رہنما خورشید شاہ دی رہائی دا حکم 16 جنوری تیک معطل کر دتا۔سندھ ہائی کورٹ سکھر دے جج جسٹس نعمت اللہ تے جسٹس خادم حسین اتے مشتمل ڈبل بینچ نے نیب ولوںپیپلز پارٹی دے مرکزی خورشید شاہ دی ضمانت اتے رہائی دے نیب عدالت دے حکم دے خلاف درخواست دی سماعت کیتی، خورشید شاہ ولوں ایہناں دے وکیل مکیش کمار دی سربراہی وچ وکلا ء دا پینل تے نیب پراسیکیوٹر پیش ہوئے۔

عدالت نے خورشید شاہ دے پیش نہ ہون اتے ایہناں دے وکلاء دے نال استفسار کیتا تے اوہناں نے عدالت نوں دسیا اے کہ ایہناں دے موکل نوں نوٹس نہیں ملیا۔ جہدے اتے نیب پراسیکیوٹر نے عدالت نوں دسیا کہ ایہناں باقاعدہ طور تے نوٹس موصول کروایا گیا سی ۔بعدازاں عدالت نے درخواست اتے سماعت 16 جنوری 2020 تیک ملتوی کر دتی۔