اداریاں دے وچکار خلیج قومی مفاد دے خلاف اے، خواجہ سعد رفیق

لہور:پیراگون کرپشن اسکینڈل وچ گرفتار مسلم لیگ ن دے مرکزی رہنما و پچھلے وزیر ریلوے خواجہ سعد رفیق نے اپنی زبان بندی دا حل ڈھونڈ لیا۔احتساب عدالت وچ پیشی دے دوران خواجہ سعد رفیق نے ہتھ دے نال لکھی ہوئی تحریرمیڈیا دے حوالے کردتی۔سنگین غداری کیس دے فیصلے اتے گل کردیاں ہویاں ایہناں داآکھنا سی کہ اداریاں دے وچکار خلیج قومی مفاد دے خلاف اے، پرویز مشرف آئین شکن سن تاہم فیصلے وچ لاش لٹکان یا گھسیٹنے دی گل مناسب نہیںاے۔

اوہناں نے آکھیا اے کہ عدلیہ مخالف مہم ناقابل قبول اے۔ ایتھے انصاف آزاد اے نہ جمہوریت۔ واضح روے کہ احتساب عدالت وچ پیشی دے دوران کمرہ عدالت وچ سادہ لباس وچ ملبوس اہلکاراں دے نال خواجہ سعد رفیق دی تلخ کلامی ہو گئی۔

عدالت وچ شور مچنے اتے جج جواد الحسن دا اظہار برہمی کردیاں ہویاںآکھیا اے کہ میر یعدالت وچ کیوں شور مچیا ہویا اے ایس دوران خواجہ سعد رفیق نے پلیس دے رویے اتے جج نوں شکایت لگاندیاں ہویاں دسیا اے کہ ایہہ مینوں آکھ رہے نیں کہ میں انٹرویو دے رہیا واں جہدے اتے سادہ لباس وچ ملبوس اہلکار نے آکھیا اے کہ خواجہ سعد رفیق کمرہ عدالت وچ موبائل فون استعمال کر رہے نیں۔فاضل جج نے اہلکار نوں تنہیہ کردیاں ہویاں آکھیا اے کہ تساں بار جو مرضی کرن پر کمرہ عدالت وچ ایس طرحاں نہیں ہون دیاں گا۔بعدازاں عدالت سماعت بغیر کارروائی ملتوی کردتی۔

اپنا تبصرہ گھلو