خیرپور: مسافر وین تے ٹرک وچ ٹکر، 3موتاں، 10زخمی

خیرپور: لاڑکانہ بائی پاس روڈ تے تیز رفتار مسافر وین اوورٹیکنگ دی وجہ توں کھلوتے ٹرک نال وج گئی جہدے نتیجے وچ عورتاں سنے 3بندے جاں بحق تے 10زخمی ہو گئے۔ افسوسناک واقعہ لاڑکانہ بائی پاس دے نیڑے درگاہ نور پور شریف گمبٹ بائی پاس تے پیش آیا، ویگن تے ٹرک دی ٹکر وچ جاں بحق عورتاں سنے تن بندیاں دیاں لاشاں نوں تے 10زخمیاں نوں ہسپتال منتقل کر دتا گیا۔ 2

لاشاں دی شناخت نجف حسن، ریاض منگی دے ناں توں ہوئی اے جد کہ زخمیاں نوں طبی سہولتاں دتیاں جا رہیاں نیں۔ حادثہ تیز رفتاری دی وجہ توں پیش آیا، ویگن سکھر توں لاڑکانہ جا رہی سی۔