مریم نواز نوں باہر جان دی اجازت نہ دینا حکومتی فسطائیت اے: شہباز شریف

لندن: مسلم لیگ (ن) دے صدر میاں شہباز شریف نے مریم نواز نوں باہر جان دی اجازت نہ دین دے حکومتی فیصلے تے سکت تنقید کردیاں آکھیا اے ہائی کورٹ توں انصاف دی آس اے۔

شہباز شریف نے اپنے بیان وچ بھارتی سرکار تے وی سخت تنقید کیتی تے آکھیا ہندوستان دے موجودہ حالات نریندر مودی دی ذہنیت دے عکاس نیں۔ ایہ اوہ مودی اے جہدے نال عمران خان دوستی دیاں پینگاں ودھاندے سن۔ لیگی رہنما آکھیا موجودہ سرکاری دیاں پالیسیاں نکام ہو چکیاں نیں۔

کشمیر وچ مودی سرکار بدترین بربریت دی مرتکب ہو رہی اے۔ کشمیر وچ مظالم رکوانا عمران خان دے وس دی گل نہیں جد کہ کوالالمپور سمٹ وچ نہ جانا ایہناں دی ہٹ دھرمی دا نتیجہ اے۔