دیس بھر وچ گیس دی قلت نال شہری پریشان، سی این جی سٹیشنز وی بند

اسلام آباد/کراچی: موسم سرما وچ ملک دے وکھو وکھ شہراں وچ گیس دی لوڈشیڈنگ تے پریشر وچ کمی دا سلسلہ دراز ہو گیا جد کہ کراچی وچ گیس دا بحران شدت اختیار کر گیا۔ پنجاب، کے پی کے، بلوچستان تے سندھ دے وکھو وکھ شہراں وچ سردی ودھن نال گیس غائب ہو گئی جہدے نال صارفین نوں شدید مشکلاں دا ساہمنا اے، سوئی گیس دی لوڈشیڈنگ تے پریشر وچ کمی دی وجہ توں کھانا پکان وچ پریشانی ہو رہی اے تے صارفین بلاں دی ادائیگی دے باوجود لکڑیاں بالن تے مجبور نیں۔

کراچی وچ وی گیس دا بحران شدید ہو گیا اے، گھریلو صارفین تے کمرشل سیکٹر نوں گیس دی قلت دی وجہ توں دشواری دا ساہمنا اے، گھریلو صارفین دی طلب پوری کرن لئی سندھ بھر وچ سی این جی سٹیشنز پچھلے پنج دن توں بند نیں۔ سوئی گیس کمپنی نے اعلان کیتا سی پیر دی صبح 8وجے سارے سی این جی سٹیشن کھول دتے جان گے پر پیر نوں وی سٹیشنز بند رکھن دا فیصلہ کیتا گیا اے ۔

اپنا تبصرہ گھلو