وزیراعظم غدار نیں ایہناں تے آرٹیکل 6لگنا چاہیدا اے: ترجمان (ن) لیگ

اسلام آباد: ترجمان مسلم لیگ (ن)مریم اورنگزیب آکھیا اے مسلط کیتے گئے وزیراعظم غدار نیں ایہناں تے آرٹیکل 6لگنا چاہیدا اے۔ اسلام آباد وچ میڈیا نال گل کردیاں مسلم لیگ (ن) دی ترجمان مریم اورنگزیب دا کہنا سی احسن اقبال نوں بار بار چپ رہن دا پیغام دتا گیا پر اوہ سچائی دے نال بولدے رہے، ایسے پاداش وچ عالمی گدا گراں تے جھوٹے چوراں نے ایہناں نوں گرفتار کرا دتا۔

مریم اورنگزیب دا کہنا سی احسن اقبال دی گرفتاری نال نیب نیازی گٹھ جوڑ ساہمنے آ گیا اے، اک خاص سازش دے تحت ایس ملک تے وزیراعظم نوں مسلط کیتا گیا، مسلط وزیراعظم نے منی لانڈرنگ کیتی، غیر ملکی فنڈنگ نال ایس ملک تے مسلط ہوئے، عمران خان ملک دے غدار نیں ایہناں تے آرٹیکل 6لگنا چاہیدا اے۔