لکی مروت خودکش حملے دے الزام وچ کئی مشتبہ بندے گرفتار

پشاور: محکمہ انسداد دہشت گردی (سی ٹی ڈی) نے ڈیرہ اسماعیل خان وچ کاروائی کردیاں لکی مروت وچ انسداد پولیو ٹیم تے خودکش حملہ وچ ملوث ہون دے الزام وچ کئی مشتبہ بندیاں نوں گرفتار کر لیا۔ پلس دا کہنا اے خودکش بمبار دے 3سہولت کاراں دی شناخت ہو گئی اے جہناں وچ سرائے نورنگ دا رہائشی جمشید، شمالی وزیرستان دے خلیل تے حفیظ اللہ شامل نیں۔

سی ٹی ڈی نے ڈی آئی خان وچ کاروائی کردیاں کئی مشتبہ بندیاں نوں گرفتار کیتا اے۔ واضح رہوے 19دسمبر نوں لکی مروت دی تحصیل نورنگ وچ انسداد پولیو ٹیم تے خودکش حملہ ہویا سی پر ایس واقعے وچ کوئی جانی نقصان نہیں ہویا سی۔