بلاول بھٹو زرداری دی نیب وچ طلبی، پیپلزپارٹی نے تحفظات دا اظہار کر دتا

کراچی: پارٹی چیئرمین نوں قومی احتساب بیورو ولوں طلب کیتے جان تے پیپلزپارٹی نے سخت تحفظات دا اظہار کر دتا اے۔ ترجمان سندھ حکومت مرتضیٰ وہاب ولوں جاری بیان وچ آکھیا گیا اے نکمی وفاقی حکومت دے خلاف عوامی مہم چلان تے پارٹی چیئرمین دے خلاف حکومت اوچھے ہتھکنڈے استعمال کر رہی اے، ایس طرح دی ڈرامہ بازیاں توں نہیں ڈردے۔

بانی پاکستان قائداعظم محمد علی جناں دے مادر علمی سندھ مدرستہ السلام وچ اک تقریب وچ رلت دے بعد میڈیا نال گل بات وچ ترجمان سندھ حکومت مرتضیٰ وہاب دا کہنا سی بلاول بھٹو نکمی حکومت دے خلاف مہم چلا رہے نیں، ایہو وجہ اے ایہناں نوں نیب دا نوٹس ملیا جہدے تے سانوں شدید تحفظات نیں۔

کراچی سنے سندھ بھر وچ گیس بحران تے مرتضیٰ وہاب وفاقی حکومت نال سدھے ہو گئے۔ پرویز مشرف بارے عدالتی فیصلے تے پچھے گئے سوال تے ترجمان سندھ حکومت دا کہنا سی عدالتی معاملات عدالت وچ ای حل ہونے چاہیدے نیں۔

اپنا تبصرہ گھلو