سرکار دی آئی ایم ایف نوں بجلی و گیس مہنگی کرن دی یقین دہانی

اسلام آباد: سرکار نے آئی ایم ایف نوں بجلی و گیس مہنگی کرن دی یقین دہانی کرا دتی۔ آئی ایم ایف نے پاکستان دے نال پہلے جائزہ اجلاس دی رپورٹ جاری کر دتی جہدے مطابق پاکستان نے بجٹ وچ تبدیلیاں دے نال گیس و بجلی دیاں قیمتاں وچ وادھے، ڈیفالٹرز دے بجلی کنکشن فوری طور تے منقطع کرن تے ریونیو ودھان لئی نیشنل ٹیکس اتھارٹی قائم کرن دی یقین دہانی کرائی اے۔

ستمبر تک نیم خود مختار نیشنل ٹیکس اتھارٹی دا قیام تے نقصان وچ چلن والے سرکاری اداریاں نوں کمپنیاں بنایا جاوے گا، خالص پن بجلی منافع دے بقایا جات دی مد وچ 73ارب روپے تے لیٹ پے منٹ چارجز دی مد وچ اک سو دس ارب روپے وصول کیتے جان گے۔

پاکستان نے پاور پلانٹس دی نجکاری نال سرکلر ڈیٹ ادا کرن، ہور 200ارب روپے دی بینک گارنٹی جاری کرن تے سرکلر ڈیٹ نوں حکومتی قرضے وچ شامل کرن دی یقین دہانی وی کرائی اے۔