اپوزیشن لیڈر پاکستان آ کے اپنی آئینی ذمہ داریاں پوریاں کرن: قمر زمان کائرہ

لہور: رہنما پیپلزپارٹی قمر زمان کائرہ آکھیا اے اج اپوزیشن لیڈر دی لوڑ اے، اوہ آ کے آئینی ذمہ داریاں پوریاں کرن جد کہ مریم بی بی نوں وی چپ دا روزہ توڑنا چاہیدا اے۔ میڈیا نال گل کردیاں قمر زمان کائرہ آکھیا سیاسی سرگرمی لئی کسے دی اجازت دی لوڑ نہیں، سانوں حکومتی ہتھکنڈے روک سکے نیں تے نہ روک سکن گے۔

شہید محترمہ بے نظیر بھٹو دی برسی تے ہون والے جلسے توں حکومت گھبراہٹ دا شکار ہو گئی اے۔ قمر زمان کائرہ دا کہنا سی پاکستان اک وڈے بحران دا شکار اے۔ سرکار دے اتحادی کہہ رہے نیں حکومت ایسے طرح چلی تے ملک نوں ڈبو دین گے۔ا

وہناں آکھیا شاید حکومت آرمی چیف دی مدت ملازمت دی توسیع بارے قنون سازی نہیں کرنا چاہندی۔ شاید حکومت آپ وی ایہو چاہندی اے کہ ایہ بل پاس نہ ہووے۔

اپنا تبصرہ گھلو