رانا ثناء اجے تک ملزم، کیس ختم نہیں ہویا: شہریار آفریدی

اسلام آباد: مسلم لیگ (ن) پنجاب دے صدر رانا ثنا دکی لہور ہائی کورٹ ولوں ضمانت دے بعد پریس کانفرنس کردیاں وزیر مملکت شہریار آفریدی دا کہنا اے رانا ثنا دی ضمانت دے بعد تاثر دتا گیا میں راہ فرار اختیار کر لئی تے منشیات کیس ختم ہو گیا۔ عدلیہ دی عزت سب تے فرض اے۔ اوہناں د اکہنا سی تاثر دتا گیا جیویں میں کدھرے چلا گیا، بیرون ملک ہون دی وجہ توں پچھلے دیہاڑ کابینہ دے اجلاس وچ شریک نہیں ہو سکیا۔

عدالت نے رانا ثنا نوں ضمانت تے رہا کیتا، منشیات کیس کتم نہیں ہویا ایس لئی مسلم لیگ (ن) دے رہنما اجے تک ملزم نیں۔ انج نہیں کہ عدالت دا فیصلہ حق وچ آوے تے اک موقف حق وچ نہ آئے تے دوجا موقف اختیار کرن۔ انج وی اج کل ضمانتاں دا موسم ا ے۔

شہریار آفریدی دا کہنا سی لیگی رہنما رانا ثنا دی گرفتاری دے 17دن دے اندر فوٹیجز سنے سارے ثبوت (ویڈیو تے شواہد) عدالت نوں فراہم کر دتے سن۔ میں کانفرنس وچ لفظ ویڈیو نہیں سگوں فوٹیج استعمال کیتا سی۔ رانا ثنا کیس وچ تاخیری حربے استعمال کیتے گئے۔