حریت رہنما یاسین ملک دی اہلیہ مشعال ملک دی یوم قائد دے موقع تے پاکستانی قوم نوں مبارکباد

اسلام آباد: حریت رہنما یاسین ملک دی بیوی مشعال ملک نے یوم قائد دے موقع تے پاکستانی قوم نوں مبارکباد دتی اے، اوہناں دا کہنا اے قائداعظم محمد علی جناح نے بہت پہلاں دو قومی نظریہ دتا، اج بھارت وچ اقلیتاں خاص طور تے مسلماناں دے خلاف اگ لگی ہوئی اے۔

مودی سرکار اقلیتاں لئی کھودے گئے گڑھے وچ آپ ڈگ رہی اے۔ حریت رہنما یاسین ملک دی بیوی مشعال ملک نے یوم قائد دے موقع تے اپنے خصوصی پیغام وچ پوری پاکستانی قوم تے کرسمس دے موقع تے مسیحی برادری نوں مبارکباد دتی اے۔ 25دسمبر دے حوالے نال اپنے ویڈیو پیغام وچ مشعال ملک دا کہنا اے قائداعظم محمد علی جناح نے دو قومی نظریہ لئی جدوجہد کیتی، اج بھارت وچ اقلیتاں خاص طور تے مسلماناں دے خلاف اگ لگی ہوئی اے۔

مشعال ملک دا کہنا اے دہشت گرد آر ایس ایس تے شیوسینا دی سرکار نے اقلیتاں دے خلاف کھوہ کھودیا اے پر مودی سرکار آپ ایسے کھوہ وچ ڈگ رہی اے، بھارت اپنے آپ نوں دنیا لئی اک بہت وڈی منڈی سمجھدا سی، اج پوری دنیا نے وارننگز جاری کیتی ہوئی اے ہندوستان نہ جایا جاوے۔