قائداعظم دا پاکستان بنان لئی دو قومی نظریہ حقیقت بن گیا: آرمی چیف

کراچی: پاک فوج دے شعبہ تعلقات عامہ (آئی ایس پی آر) دے ڈائریکٹر جنرل میجر جنرل آصف غفور دے مطابق پاک فوج دے سپہ سالار جنرل قمر جاوید باجوہ نے قائداعظم محمد علی جناح دے مزار تے حاضری دتی۔ سماجی رابطے دی ویب سائٹ ٹویٹر تے ٹویٹ کردیاں آئی ایس پی آڑ دے ڈی جی دا کہنا سی پاک فوج دے سربراہ نے مزار قائد تے حاضری دتی تے پھل چڑھائے۔

آرمی چیف جنرل قمر جاوید باجوہ دا کہنا سی قائداعظم دا پاکستان بنان لئی دو قومی نظریہ حقیقت بن گیا، قیام پاکستان لئی اسیں قائد دا جناں شکریہ ادا کریئے گھٹ اے، مشکل دور وچ اقلیتاں سنے سارے پاکستانی متحد رہے۔اوہناں دا کہنا سی قائداعظم محمد علی جناح دا ویژن ہمیشہ ساڈی رہنمائی کردا رہوے گا، قائداعظم دے ویژن اتحاد، ایمان، تنظیم تے چل کے ملک نوں اگے لے جایا جا سکدا اے۔

اپنا تبصرہ گھلو