آرمی چیف دی مدت ملازمت وچ توسیع دے عدالتی فیصلے تے نظرثانی درخواست دائر

اسلام آباد: وفاقی حکومت نے آرمی چیف دی مدت ملازمت وچ توسیع دے عدالتی فیصلے تے سپریم کورٹ وچ نظرثانی درخواست دائر کر دتی۔ وسیلیاں دے مطابق درخواست وچ موقف اپنایا گیا فیصلے وچ اہم آئینی و قنونی نکات دا جائزہ نہیں لیا گیا، ماضی وچ ایڈیشنل تے ایڈہاک ججاں نوں سپریم کورٹ توسیع دیندی رہی، عدالت نے ججز توسیع کیس دے فیصلیاں نوں وی مدنظر نہیں رکھیا۔

درخواست وچ عدالت توں استدعا کیتی گئی نظرثانی اپیل وچ لارجر بنچ تشکیل دتا جاوے، کیس نوں ان کیمرہ سماعت لئی مقرر کیتا جاوے، فیصلے نوں کالعدم قرار دتا جاوے۔ ایس توں پہلاں وزیر قنون فروغ نسیم اٹارنی جنرل نال ملاقات لئی سپریم کورٹ اپڑے جتھے اوہناں نے آرمی چیف مدت ملازمت کیس تے نظرثانی درخواست دائر کرن بارے مشاورت کیتی۔