آرمی چیف دی مدت ملازمت بارے فیصلے وچ قنونی سقم موجود نیں: فردوس عاشق

اسلام آباد: فردوس عاشق اعوان آکھیا اے آرمی چیف دی مدت ملازمت بارے فیصلے وچ قنونی سقم موجود نیں، حکومت نے نقائص دی درستگی لئی نظرثانی اپیل دائر کیتی۔ معاون خصوصی برائے اطلاعات و نشریات فردوس عاشق نے میڈیا نال گل کردیاں آکھیا پرویز مشرف کیس وچ نظرثانی اپیل دائر کرن دے بعد وی ساڈے کول پارلیمنٹ دا آپشن موجود اے۔

فردوس عاشق دا کہنا سی رانا ثنا دے کیس بارے تصویر دا اک رخ وکھایا جا رہیا اے، آکھیا جا رہیا اے رانا ثنا دا جسمانی ریمانڈ نہیں لیا گیا، ریمانڈ اوہدا لیا جاندا اے جہدے توں کوئی چیز برآمد کرنی ہووے، اے این ایف قومی ادارہ اے ایہنوں سیاست زدہ نہ کرو، اے این ایف رانا ثنا دی ضمانت دے خلاف سپریم کورٹ وچ نظرثانی اپیل دائر کرے گا۔