ایل او سی تے بلااشتعال فائرنگ، پاک فوج دے نائب صوبیدار تے سپاہی شہید

راولپنڈی: بھارت ولوں لائن آف کنٹرول تے فائر بندی معاہدے سی لگاتار خلاف ورزیاں دا سلسلہ جاری اے۔ پاک فوج دے نائب صوبیدار قندیرو تے سپاہی احسان شہید ہو گئے، پاک فوج دی جوابی کاروائی وچ بھارتی فوج دے صوبیدار سنے 3اہلکار ہلاک ہو گئے۔

آئی ایس پی آر دے مطابق بھارتی فوج ولوں پچھلے 36گھنٹے دے دوران لائن آف کنٹرول تے جنگ بندی معاہدے دی لگاتار خلاف ورزیاں دا سلسلہ جاری اے، بھارتی فوج ولوں کیتی جان والی بلااشتعال فائرنگ دا پاک فوج بھرپور انداز وچ جواب دے رہی اے۔

ڈی جی آئی ایس پی آر دے مطابق ایل او سی دے حاجی پیر سیکٹر وچ پاک فوج دی جوابی کاروائی وچ بھارتی فوج دا اک صوبیدار، 2سپاہی ہلاک ہو گئے تے کئی زخمی ہوئے جد کہ ایہناں دی چیک پوسٹ تباہ کر دتی گئی۔دوجے پاسے دیوا سیکٹر وچ دشمن نال لڑدیاں ہوئیاں پاک فوج دے نائب صوبیدار قندیرو تے سپاہی احسان شہید ہو گئے، شہید ہون والے نائب صوبیدار قندیرو پنوں عاقل دے پند گنھ انور خاصخیلی جد کہ سپاہی محمد احسان جہلم دے علاقے پنڈدادنخان دا رہائشی سی۔

اپنا تبصرہ گھلو